Kloăng kơphế ki tê ngi kong têa ê dêi Việt Nam nôkố ối má 2 tung lâp plâi tơnêi. La ki hên cho tê tá kloăng tá hâi uâ pơliê, tê hên h^n mê yă tê tá hâi hên khât. A leh mơd^ng kơphế {uôn Ma Thuột rôh má 7 hơnăm 2019 la ngiâ kố ah, pák^ng tơdroăng ki mơđah tơbleăng inâi kơphế {uôn Ma Thuột, pơkâ mơdêk ‘no liăn cheăng, mơdah tơbleăng ôm hyô, Khu tơku\m po Mơd^ng kơphế {uôn Ma Thuột tối tơbleăng rôh tơ’noăng ‘’Kơphế kơhhiâm Việt Nam 2019’’ vâ mơđah tơbleăng kế tơmeăm ‘na kơphế ing mê mơdêk tâ nếo ki kơnía dêi kơphế Việt Nam.

Pôa Trịnh Đức Minh, kăn hnê ngăn Khu tơru\m Kơphế {uôn Ma Thuột, Dak Lak tối tơbleăng nhên tâ ‘na rôh tơ’noăng kố.

Êng: : Ô pôa Trịnh Đức Minh, rôh tơ’noăng ‘’Kơphế kơhiâm Việt Nam 2019’’ ai pơxúa môi tiah lâi?

Pôa Trịnh Đức Minh: Roh tơ’noăng ki dâi le\m ‘’Kơphế kơhiâm Việt Nam 2019’’ po tung rôh mơd^ng kơphế {uôn Ma Thuột cho tơdroăng ki châ tơku\m po rôh a poăng a Việt Nam. Ki hdrối tâ cho vâ mơnhông mơdêk [ă pơ-ôu ki dâi le\m. Má péa cho tơru\m tê mơdró tơdrêng pơla mâu ngế ki mơjiâng [ă âu ngế ki ai tơdroăng ki rơhêng vâ roê xúa kơphế ki kơhiâm, mâu khu ki kơ-óu, uâ ai tơdroăng ki rơhêng vâ roê kơphế kơhiâm.Má pái cho pro ivá ăm mâu ngế ki pêt mơjiâng tê mơdró mâu kơphế ki dâi le\m. Má 4 cho pro chiâng môi tíu, môi [âng sap ing mơjiâng pro tá troh roê xúa kơphế kơhiâm ôh ti xê tung tơnêi têa mê kô lo troh a kong têa ê.

Êng: Ki khât gá nôkố cho klâ xoăng kum ăm kơchô tê mơdró kơphế kơhiâm gá iâ, tiah mê, tiah lâi pin rah xo kơphế kơhiâm vâ tơku\m po rôh tơ’noăng ô pôa?

Pôa Trịnh Đức Minh: Kơvâ kơphế dêi pin hiăng mơnhông mơdêk hên hơnăm [ă pin xuân hiăng tối tơbleăng hên tíu kơchô tê mơdró ki phá tơ-ê dêi rơpó. Sap ing kơphế tê mơdró tiah hmâ troh kơphế krá tơniăn tá troh kơphế bu hnê mơhno tơnei tíu chiâng vâ tối [ă mâu kơchô tê mơdró hiăng pơxiâm vâ tơniăn, tơpá tăng mâu ki kơnía mơdêk tơ’nôm nếo. {ă môi tíu ki ê ngin tá hâi tí tăng la gá cho môi troăng hơlâ ki nếo dêi kong têa ê mơhé gá ối iâ tâ 2 – 3% la ai yă kơnâ tâk hên. Tá troh nôkố Viêt Nam pin tung tơnêi têa hiăng mơjiâng pro kơchô tê mơdró kơphế kơhiâm. ‘Na tơdroăng ki mơjiâng pro hiăng ai mâu tíu cheăng hiăng pơxiâm mơjiâng pro kơphế kơhiâm. ‘Na mâu ngế cheăng mê pin hiăng hnê mâu khu ki mơnúa ngăn châ kong têa ê tối. Mê cho mâu tơdroăng ki xiâm tơku\m tu\m tá troh drêng kố pin pơxiâm tí tăng mâu kơchô tê mơdró kơphế kơhiâm.

Êng:  Chiâng vâ tối tiah kố, pin loi tơngah sap ing rôh tơ’noăng kố kô po rơdâ kơchô tê mơdró kơphế kơhiâm mơnhông mơdêk tung la ngiâ, la xuân pơkâ mơ’no mâu tơdroăng ki tôu tuăn drêng lâi ‘lo, tíu ki lâi ‘lo xuân hlo kơphế kơhiâm. Tiah mê kơphế tê mơdró tiah hmâ kô môi tiah lâi ô pôa?

Pôa Trịnh Đức Minh: Pin ôh tá piu hiât tung mâu kế tơmeăm ki lâi ôh, sap ing ton nah pin tí tăng túa kơphế tê mơdró tiah hmâ, tí tăng kơphế krá tơniăn, nôkố kơphế kơhiâm cho tíu ki pin tí tăng  tơ’nôm. Tăng túa vâ mơdêk ki kơnía dêi kơphế Việt Nam. Ki kal cho kơnôm pro kơphế kơhiâm mê inâi dêi kơphế dêi pin châ kong têa ê ‘nâi troh hên tâ. Vâi kô ‘nâi tiah kố kơphế Việt Nam hôm dâi le\m há lơ ôh, kơphế kơhiâm ôh ti xê Việt Nam bu mơjiâng pro kơphế tê mơdró tiah hmâ vâ tê [ă yă rơpâ.

Êng:  Rôh tơ’noăng kố kô tơhrâ klâi ăm tơdroăng ki mơnhông mơdêk dêi kơphế Dak Lak tối phá [ă kơphế tung lâp tơnêi têa tối tơdjuôm môi tiah lâi ô pôa?

Pôa Trịnh Đức Minh: Mâu ngế ki mơjiâng pro kơphế vâi kơhnâ khât, vâi xuân ‘nâi troăng hơlâ dêi kơchô tê mơdró. Laga, vâi dế tí tăng mơjiâng pro kơphế kơhiâm, tăng xêh tíu vâ tê [ă tá troh nôkố hiăng chía hên mê á loi tơngah tiah kố tơdroăng ki mơnhông mơdêk kơphế kơhiâm dêi Việt Nam gá kô rế hía rế rơdêi [ă pro chiâng [âng ki roê ‘mot tê mơdró ki nếo kum ăm kơvâ kơphế pin rế hía hên tâ.

Êng: Ê, mơnê pôa

Hương Lý chêh

Katarina Nga tơplôu [ă tơbleăng