VOV4.Sêdang - Drêng ai tơdroăng ki tâ tú ó dêi pơreăng êi xôu, phât hiâm xuia virus Corona, dó inâi COVID 19 pro, klêi kơ’nâi tơpui tơno [ă mâu kong têa ối tung Khu ASEAN, tung hnoăng cheăng dêi Kăn xiâm hnê ngăn ASEAN 2020, pôa Nguyễn Xuân Phúc, Ngế pro xiâm hnê ngăn tơnêi têa pin hiăng mơ’no rơkong tối tơbleăng dêi Kăn xiâm hnê ngăn ASEAN ‘na Hbrâ mơdât tơchoâm dêi ASEAN drêng tung rơnó ai pơreăng tâ tú hên ó. Rơkong tối tơbleăng kố hiăng tô tuăn khât ing mâu Khu kăn xiâm pơkuâ ASEAN ‘na tơdroăng ki xâu rơ-iô dêi pơreăng, pro tơdjâk ‘mêi troh tơdroăng rêh kâ ối, pêi cheăng dêi kuăn pơlê [ă mơnhông mơdêk mâu kong têa tung ASEAN, klê mê, hnối mơnhên tối tơkêa kho\m veăng tơchôam ivá mơno vâ kho\m châ mơdât pơreăng tâ tú, kring vế tơniăn tơdroăng rêh ối dêi kuăn pơlê.

Rơkong tối tơbleăng mê mơnhên ki tơru\m [ă veăng vâ môi tuăn ó rơdêi khât dêi ASEAN tung kơdo mơ-eăm kân khât dêi chin phuh [ă kuăn pơlê Sinuâ tung lâp plâi tơnêi tối tơchoâm ‘na hbrâ mơdât pơreăng tâ tú. Rơkong tối tơbleăng mê hiăng mơnhên mâu kong têa ASEAN pơtối po troăng hơlâ tơru\m pêi cheăng; vâ môi tuăn tơru\m tung hnoăng cheăng lăm séa ngăn khăm pơlât a mâu bo cheăng ki tơdjêp troh mâu kong têa pú hmâ, tơru\m vâ kho\m châ mơdât [ă tah lôi pơreăng COVID 19.

Nhat Lisa tơplôu [ă tơbleăng