Hiăng 17 chôu 30 phut kong xêi, la vâ chê 70 ngế ko\ng nhân rơtế [ă chât ngế kih sư pêi tơdroăng tơkêa bro on tơhrik kơtâu ing khía Tây Nguyên a thôn 4, cheăm Dliê Yang , tơring Ea Hleo, kong pơlê Dak Lak xuân dế mơjiâng pro mâu trăng meăn xơmo\ng, tâp trăng krâ ‘măn kơmăi a trăng, krâ ‘măn ki pê khía, tua-bin vâ mơ’no on tơhrik, hnhâng kơxái [ă pêi hên tơdroăng cheăng ki ê.

Tiô pôa Nguyễn Hữu Dũng, ngế pơkuâ xiâm pêi tơdroăng tơkêa bro on tơhrik kơtâu ing khía Tây Nguyên, tâi tâng mâu tua-bin on tơhrik khía châ mơjiâng pro krâ ‘măn kơmăi a mâu tíu tung kơpong a ngo ki a ‘ngêi mê tơdroăng djâ kơmăi, kế tơmeăm kih thuât vâ krâ pơklêp trâm hên tơdroăng pá, malối tung pơla kong prâi a Tây Nguyên ai 6 khế rơnó mêi, tơ’lêi tơdjâk troh tơdroăng mơjiâng pro tơdroăng tơkêa.

Pôa Dũng ăm ‘nâi mơdoh chôu drêng kong prâi dế tô pro hơngiâp [ă kong dế khăng le\m, klêi pơtê têt , mâu khu pêi cheăng dêi tíu pêi cheăng kố hiăng tơku\m hơ’lêh dêi rơpó pêi cheăng tiô chôu vâ pê klêi tơdroăng cheăng tro tiô pơkâ.

‘’Vâ rak tơniăn tiô tơdroăng pơcháu pêi tơdroăng tơkêa bro mê peăng khu ‘no liăn mơjiâng pro ngin hiăng pơkâ tơdroăng pêi mê cho: mơhnhôk tăng kơmăi, hơ’lêh dêi rơpó pêi cheăng tiô chô, pêi tơ’nôm chôu, tơku\m mơngế pêi cheăng vâ tơdroăng tơkêa bro re\ng klêi, re\ng châ mơnúa ăm kơmăi kơtâu klêi mê pơcháu ăm khu xiâm pơkuâ tro tiô hâi khế hiăng pơkâ.

{ă troh nôkố, ngin hiăng pêi luâ tơdế tơdroăng cheăng, ngin kô pơtối pêi khât vâ re\ng klêi vâ troh apoăng khế 6 hơnăm 2019 kố kô pê klêi tơdroăng tơkêa pro on tơhrik ‘mot a troăng kơxái on tơhrik dêi tơnêi têa’’.

Tơdroăng tơkêa pro on tơhrik a tơring Ea Hleo, kong pơlê Dak Lak cho tơdroăng pro on tơhrik kơtâu [ă khía ki apoăng a Tây Nguyên. Xua ko\ng ti veăng tơlo liăn tăng troăng hơlâ pro on tơhrik kơtâu [ă khía HBRE pro xiâm pơkuâ ‘no liăn; tơbleăng pêi 3 rôh (sap hơnăm 2017 – 2022)  ivá on tơhrik kơtâu 436MW, kơxo# liăn ‘no mơjiâng pro dâng 13. 000 rơtal liăn.

Troh nôkố, pơla rôh má 1 dêi tơdroăng tơkêa bro luâ tơdroăng [ă pê klêi hiăng luâ tơdế mâu tơdroăng cheăng mê cho: pro hngêi pêi cheăng, tíu krâ ‘măn kơmăi ki ăm tâk chu 110kV, 3 tua-bin, 12 to trăng krâ ‘măn ki pê hyôh [ă pro mâu troăng kơxái ki tơdjêp 22KV [ă 110 KV.

Pôa Nguyễn Hoàng Hiệp, Ngế pho\ pơkuâ Ko\ng ti veăng tơlo liăn HBRE ăm ‘nâi, tơdroăng tơkêa kố châ xúa kơmăi kơmok ki dâi le\m [ă ki dâi má môi tung plâi tơnêi. Mâu kơmăi kơmok ki krâ pro mê rôe ing mâu kong têa châu Âu, Mih, Nhuk [ă ing hên kong têa ki ê, xua mê tơdroăng chơ djâ ing kong ê vâ troh a tơnêi têa pin hrê hên liăn ngân [ă hâi khế chơ phut.

Maluâ ti mê, troh nôkố, tâi tâng mâu kơmăi kơmok hiăng rôe tâi tâng [ă dế thâ vâ mơjiâng pro krâ ‘măn.

‘’Tâi tâng ivá dêi tơdroăng tơkêa pro cho 28.8 MW [ă tiô pơkâ mơjiâng pro tung khế 3 hơnăm 2019 ngin kô mơnúa ăm kơtâu a 5 khu kơmăi ki mơ’no on tơhrik tê mơdró; troh khế 6/2019 12 tôh kơmăi kô pơxiâm kơtâu mơ’no on tơhrik vâ hlối tơdjêp a kơxái on tơrik tơnêu  têa . ‘Na rôh ki má 2, [ă má 3 mê ngin kô pơtối pro hô sơ tơ’nôm tơdroăng pơkâ ăm Vi [an kong pơlê; klêi mê pro krâ pơklêp kơmăi vâ troh hơnăm 2022 ah kô pro klêi hlối tâi tâng tơdroăng tơkêa bro’’.

Dak Lak tối krê [ă mâu kong pơlê kơpong Tây Nguyên tối tơchoâm tơtro vâ mơnhông mơdêk pro on tơhrik kơtâu ing khía, xua mơnúa vế hdró ngăn ivá khía ki vê ngăn mê kơtâu têi  kô châ sap 7 - 1,5m tung môi yâi. Khía kơtâu têi tiah mê drêng tơbleăng pro tơdroăng tơkêa on tơhrik kơtâu [ă khía kơmăi ki mơ’no kô kâi pêi cheăng tiô ivá 100% [ă kô kâi pro tơniăn tơdroăng mơ’no on tơhrik.

Tiô pôa Nguyễn Hải Ninh, Kăn pho\ hnê ngăn Vi [an kong pơlê Dak Lak, lâp tung kong pơlê nôkố ai 5 tơdroăng tơkêa bro on tơhrik châ k^ pơkâ pêi [ă 9 tơdroăng tơkêa dế tung pơla séa ngăn [ă tâi tâng ivá kơtâu 1.800 MW, tâi tâng kơxo# liăn ‘no mơjiâng pro vâ chê 70 rơpâu rơtal liăn.

Pôa Ninh ăm ‘nâi, on tơhrik kơtâu [ă khía cho môi tung mâu troăng hơlâ ki kal ăm tơdroăng mơnhông mơdêk pro on tơhrik krúa a Việt Nam. A Dak Lak, kong pơlê xuân dế krếo mâu khu ‘no liăn mơjiâng pro ‘na tơdroăng kố.

‘’Ngin dế pêi 4 tơdroăng tơkêa bro ki ê dế pơxiâm pro tung hơnăm 2019 kố [ă tâi tâng ivá kơtâu 400MW; pak^ng mê, ngin ối ăm 9 khu ‘no liăn mơjiâng pro séa ngăn [ă tâi tâng ivá kơtâu lối 1.300 MW. {ă mâu tơdroăng tơkêa bro mơdêk mơ’no on tơhrik ki nếo ngin đi đo pêi ahdrối [ă pro tơ’lêi hlâu tung pro hlá mơ-éa vâ mâu khu ‘no liăn cheăng tơbleăng pêi re\ng’’.

Rơnó hơngui Kỷ Hợi 2019 hiăng troh a lâp lu  tung lâp tơnêi têa. Mâu hâi apoăng hơnăm nếo, tung pơla dế sôk ro tơ’noăng pêi cheăng dêi mâu ngế ki mơjiâng pro on tơhhrk kơtâu [ă khía apoăng a Tây Nguyên, Dak Lak tối phá, Tây Nguyên tối tơchoâm tơngah hên tơdroăng ki nếo tơ-[rê ăm kơvâ cheăng [ă kơmăi mơjiâng pro on tơhrik kơtâu [ă khía ki nếo pro kố tơngah châ tơniăn ing tơmeăm khoăng.

Gương tơplôu [ă tơbleăng