VOV4.Sêdang - {ơrô Chin phuh nếo ai mơ-éa vêh tơbleăng rơkong hnê mơhno dêi Ngế pro xiâm hnê ngăn Chin phuh pơkâ tơleăng tơdroăng hlá tơbeăng chêh tối ‘na tơdroăng tơpui kâ ôh tá le\m [a\ tơmối ôm hyô kong têa ê. Drêng ai [ai chêh ‘na tơdroăng kố xua mâu hngêi ăm tơmối kâ koi ối pơtê, tíu tê mơdró ôm hyô a mâu kong pơlê hiăng ôh tá vâ tơdah, thăm nếo mơdât tâi tâng, pơrah tơmối ôm hyô cho mơngế kong têa ê xua pơrea\ng.

Vâ teăm pât, rak vế um méa tơnêi têa, kuăn mơngế tíu troh ôm hyô Việt Nam tơniăn, Ngế pro xiâm hnê ngăn Chin phuh pơkâ thế Vi [an mâu kong pơlê, pơlê kong kân ối tung Tơnêi têa thâ hnê mơhno séa ngăn tơdroăng tơmối ôm hyô kong têa ê tung kong pơlê; hnê mơhno mâu khu tơru\m cheăng, khu ngế krê tê mơdró ôm hyô, tíu rêh ối, ki má lối a mâu kơpong, tíu ôm hyô nôkố pêi pro kơtăng pơkâ dêi Luât ôm hyô ‘na tơdroăng ôh tá pơrah, tá tơdah mơngế ôm hyô cho kong têa ê.

Ngế pro xiâm hnê ngăn Chin phuh pơcháu Khu xiâm mơhno túa le\m tro, Tơ’noăng ivá [a\ ôm hyô hnê mơhno mâu kong pơlê, tíu cheăng tê mơdró ôm hyô, hngêi ăm tơmối kâ koi ối pơtê hbrâ po rơdâ mâu troăng hbrâ mơdât pơrea\ng COVID – 19 tro tiô hnê mơhno.

A Sa Ly tơplôu [a\ tơbleăng