Klêi kơ’nâi Ngế pro xiâm hnê ngăn tơnêi têa ai Pơkâ kơxo# 16 ‘na pêi pro mâu troăng ki thâ hbrâ mơdât pơrea\ng Covid – 19, mâu kong pơlê Tây Nguyên rơtế pro tíu gak ngăn, séa kuăn pơlê prôk lăm tung kong pơlê, tíu ki kal má môi a troăng lăm ngi kong pơlê ki ê kơxo# 14. A kong pơlê Dak Nông, tíu gak ngăn châ pro a tơring Dak Rlâp [a\ tơring }ư Jut, kơxo lơ 7/4 ai kơdrâm mơngế [a\ rơxế prôk lăm, tâi tâng pơrá châ séa ngăn kơtăng.

Thươ\ng u\i Phùng Quang Hải, kăn [o# ko\ng an tơring }ư Jut tối ăm ‘nâi, a tíu gak kố ai tu\m tâng tâng mâu ko\ng an, mô đo#i, Đoân droh rơtăm, lêng kuăn pơlê a tơring, klâ 3 khu pêi cheăng đi đo plâ hâi plâ măng. Tung 6 hâi kố nah hiăng ai lối 18.000 rơxế [a\ dâng 34.600 ngế prôk lăm tơkâ akố châ khăm ngăn ki tô tung châ, ôh tá hlo ngế ki lâi nhôm tro tâ pơrea\ng.

‘’Ko\ng an tơring }ư Jut châ hnê mơhno dêi khu râ kăn pơkuâ râ kơpêng po rơdâ tơdroăng gak ngăn mơdât pơrea\ng Covid – 19 sap ing hâi lơ 2/4 troh nôkố. Ing tơdroăng séa ngăn kuăn pơlê pro cho tơtro. Má péa, tơdroăng pêi cheăng dêi nho\ng o ko\ng an tơring, [ơrô kan sát kong pơlê, khu pơkuâ mô đo#i tơring [a\ Đoân droh rơtăm mê nho\ng o, tâi tâng pêi cheăng tá hiâm mơno, kơhnâ khât’’.

Tíu gak ngăn khăm ngăn ki tô tung châ troăng lăm ngi kong pơlê ki ê kơxo# 14 dêi kong pơlê Dak Lak a tơring Ea Hleo

Rơtế [a\ Dak Nông, tơdroăng séa ngăn, khăm ngăn ki tô tung châ a mâu tíu gâk kring dêi mâu  kong pơlê Tây Nguyên pêi pro kơtăng laga xuân tơniăn tơdroăng rơxế prôk lăm dêi kuăn pơlê. A tíu gak séa ngăn dêi kong pơlê Dak Lak a troăng kân lăm ngi kong pơlê ki ê kơxo# 14, kơpong kông 110, ối tung tơring Ea Hleo tơkăng [a\ kong pơlê Gia Lai, mâu kăn [o# ối chêh ‘măn tung mơ-éa i nhên mâu inâi mâu ngế vê rơxế, kơxo# rơxế, ki tô tung châ [a\ troăng prôk dêi rêm ngế ing kong pơlê ki ê troh.

Hô sơ séa ngăn xêo troh tâi hâi lơ 6/4 hiăng ai lối 8.000 trang tơdâng [a\ lối 8.000 ngế hiăng tối dêi tơdroăng ăm [ok thái pơkeăng. Đăi u\i Trần Hữu Thanh, kăn [o# Ko\ng an tơring Ea H’leo, ăm ‘nâi, xiâm kối kuăn pơlê hiăng môi tuăn pêi tơtro tơdroăng khăm ngăn châ chăn dêi [ok thái pơkeăng:

‘’Drêng nho\ng o tot rơxế vâ séa ngăn [a\ ăm séa ngăn ki tô tung châ mê kuăn pơlê pơrá pêi pro tơtro tối [a\ [ok thái pơkeăng [a\ séa ngăn ki tô tung châ xua khu pêi cheăng pêi pro. Tâi tâng kuăn pơlê xuân hiăng pêi pro tơdroăng pâng môh, ai mâu ngế tá hâi ai kên pâng môh mê ngin hiăng xing xoăng ăm vâ truâ pâng môh ăm tơtro’’.

Kuăn pơlê châ [ok thái pơkeăng khăm ngăn ki tô tung châ

Tiô mơnhên dêi ngế chêh hlá tơbeăng, tơdroăng khăm ngăn ki tô tung châ a mâu troăng kân lăm ngi kong pơlê ki ê ing mâu kong pơlê Tây Nguyên châ kuăn pơlê môi tuăn. Ngoh Nguyễn Thanh Tuấn, ngế vê rơxế ô tô ing pơlê kong kân Đà Nẵng troh a Dak Lak tiô troăng kân ki lăm ngi kong pơlê ki ê kơxo# 14, drêng tot rơxế  séa ngăn a Ea Hleo tối ‘na tơdroăng khăm ngăn ki tô tung châ, sôk ro tối ăm ‘nâi:

‘’Pin tối tơbleăng xuân re\ng. Laga pro môi tiah kố cho tơtro ăm pin [a\ tơtro ăm rêm ngế, ăm pơlê pơla. Tâi tâng rêm ngế pơrá pêi tơtro, vâi hnê mơhno pin khât ‘nâng. Pin xuân tiô Hnê mơhno dêi Ngế pro hnê ngăn Chin phuh tê, pêi pro tơdroăng klâ ăm ối krê, tối tơdjuôm cho ối a hngêi, tâng ai tơdroăng ki kal mê nếo lo pakong’’.

Ngoh Bùi Thanh Tân cho ngế vê rơxế pơto tơmeăm ing Đồng Nai lăm a Kon Tum, tối ăm ‘nâi, ing kong pơlê ki lâi ngoh xuân thế pơtê a tíu gâk ki apoăng kong pơlê vâ séa ngăn, khăm ngăn ki tô tung châ. Mâu kong pơlê pơrá pêi pro kơtăng [a\ ngoh tâ hmiân tuăn drêng dế ai pơrea\ng Covid – 19 xông tâ tú ó:

‘’Á pơto tơmeăm kố cho tơmeăm ki má mơ’nui lăm Kon Tum. Á hlo khăm ngăn tiah kố cho tơtro, lăm ulâi, hluâ kong pơlê ki lâi xuân ai tíu khăm ngăn cho tu\m, cho tơtro má môi. Á hlo Chin phuh, Ngế pro xiâm hnê ngăn tơnêi têa hnê mơhno pêi mâu tơdroăng môi tiah mê cho kal khât. Lăm troh alâi xuân ai ngế khăm ngăn tiah kố mê nếo tơniăn. Tơniăn ăm kuăn pơlê pin tâi tâng’’.

{a\ hiâm mơno ‘’hbrâ mơdât pơrea\ng môi tiah tơplâ troh lêng kong têa ê’’, tơdroăng po rơdâ séa ngăn khăm ngăn a mâu kong pơlê krá tơniăn, [a\ tơdroăng ki tơru\m, pêi tơtro dêi kuăn pơlê tung pơla kố nah a mâu kong pơlê Tây Nguyên, kô cho troăng pêi ki kal vâ mơdât pơrea\ng châ tơ-[rê.

Công Bắc chêh

A Sa Ly tơplôu [a\ tơbleăng