VOV4.Sêdang - Hnê ‘mâi rơnêu, pêi pro mâu tơdroăng cheăng tơkâ luâ xơpá xua khía mơhot kân plong mot. A Tây nguyên, klêi péa hâi tro khía mơhot kân kơxo# 12 plong mot pro tơ’nhiê ó, khu râ kăn [ă kơvâ cheăng mâu kong pơlê kơpong Tây Nguyên dế mơ-eăm to\ng kum kuăn pơlê tơkâ luâ xơpá.

Peăng hdroh Tây Nguyên, kong mêi khía ôh tá xê to pro tơ’nhiê kế tơmeăm [ă pro hlâ 3 ngế a kong pơlê Lâm Đồng, 72 toăng hngêi tơtêa kuâ [ă pro hơnâp, hr^ng ha báu prá, alâi, kơphế [ă tơnêi pêt kơchâi plâi pôm hiăng tro têa lu chiâng u\m, hên mâu troăng prôk tơhnâp [ă tro têa lu, pro mâu kơpong pêi chiâk deăng [ă kơpong kuăn pơlê ối oh tá chiâng prôk xua to têa.

Drêng kong hiăng prăng, mâu khu râ pơkuâ cheăng dêi kong pơlê Lâm Đồng tơbleăng thế pêi tơdrêng tơdroăng ‘mâi rơnêu, pêi pro hnoăng cheăng vâ tơkâ luâ xơpá. Môi tiah ‘mâi rơnêu kông ki vâ prôk mot a cheăm Dạ Long dêi tơring Dam Rông ki tro têa mơhiu [ă pơtroh tơmeăm, kế kâ ăm kuăn pơlê. Pôa Phạm Triều, Kăn hnê ngăn Vi [an tơring Lạc Dương tối ăm ‘nâi:

‘’Nôkố ngin dế tối pơtâng ăm mâu cheăm tăng mơngế, mâu ngế rơtăm veăng ‘mâi rơnêu, pro mơjiâng hngêi ki tro tơtêa kuâ. Tơdroăng tăng mơhno ăm tíu ối pơtân xuân hiăng châ pêi pro sap ing hdrối nah troh hâi kố’’.

Tiô tối tơbleăng dêi Khu pơkuâ ‘na hbrâ ví xía vâ xua khía mơhot têa kân lân lu [ă tí tăng to\ng xo mâu ngế hliăng tiâ kong pơlê Dak Lak, lâp kong pơlê ai 1 ngế hlâ [ă 5 ngế tro rong, lối 1.300 toăng hngêi kuăn pơlê tro tơhnâp lơ tơtêa kuâ, lối hr^ng tíu cheăng, hngêi trung hriâm, hngêi pơkeăng tro tơ’nhiê, lối 7.800 ha hdrê loăng pêt tu\m túa tro tơđôu kơtong, hên troăng prôk tro têa lu, tơhnah tơhnâp, mơhiu mâu kông prôk, têa lân lu hên kơpong kuăn pơlê rêh ối, [ă pro lối 2.300 rơpo\ng kuăn pơlê tro têa lu, 300 rơpo\ng kuăn pơlê athế kơtâu hdâ ối a tíu tơniăn.

Vi [an hnê ngăn kong pơlê Dak Lak hiăng pơkâ thế khu ki lăm troh pôu a mâu kơpong trâm khía mơhot pro, rơtế [ă khu pơkuâ kong pơlê [ă kơvâ cheăng ki ai tơdjâk troh hnê mơhno, kum kuăn pơlê ‘mâi mơnhông tơmeăm khoăng, tơdroăng rêh ối klêi kơ’nâi tro lu\p dêi kế tơmeăm xua khía mơhot kân rôh má 12 pro.

A peăng kơnho\ng Tây Nguyên, kong pơlê Gia Lai xuân cho kong pơlê ki tro khía rôh má 12 plong têi, troh a tơring Krông Pa, khía mơhot kân hiăng plong pro vâ chê 40 toăng hngêi tơhnâp tơtêa kuâ, lối 500 ha kơtếo tro leăng alâi.

Tơdrêng amê, têa rơlêa hiăng pro hr^ng ha báu prá alâi loăng plâi tro têa lu, mơhiu hên mâu kơpôu ro chu í dêi kuăn pơlê. Khu râ kăn [ă kơvâ cheăng dêi kong pơlê dế pơtối riân ngăn tơmeăm khoăng ki tơ’nhê [ă to\ng kum kuăn pơlê tơkâ luâ xơpá.

Pôa Đinh Xuân Duyên, Ngế pơkuâ [ơrô ngăn ‘na Chiâk deăng [ă mơnhông mơdêk thôn pơlê  tơring Krông Pa, ăm ‘nâi:

‘’Ngin hiăng hnê mơhno, x^ng xoăng mơngế lăm troh a mâu tơring cheăm hnê mơhno kuăn pơlê ‘mâi rơnêu, to\ng kum, pêi pro tơdroăng ăm kuăn pơlê vâ tơkâ luâ xơpá. Ki hdrối, hnê kuăn pơlê kum dêi rơpó ‘mâi rơnêu pro hngêi, ‘mâi lêm kuâ a mâu hngêi ki hiăng tơ’nhiê tro tơtêa kuâ vâ kuăn pơlê re\ng ai tíu ối tơniăn. Klêi mê, cho troăng mơ’no têa hiu a têa vâ pôi tá ăm châ lân lu mâu báu prá, alâi, loăng plâi’’.

Xuân tơdjâk ing khía mơhot kân rôh má 12, kong mêi kân, mêi ton hiăng pro tơhnâp, loăng kơtong a văng ngo Lò Xo, pro chôm troăng prôk a troăng kân Hồ Chí Minh, troăng ki tơdjêp pơla kong pơlê Kon Tum [ă Quảng Nam. Mâu khu ki ai tơdjâk troh dêi kong pơlê Kon Tum hiăng mơ-eăm mơgrúa văng mâu loăng ki tơđôu kơtong, gu tah lối hr^ng met kho#i tơnêi hmốu.

Troh kơxo lơ 5 khế 11, troăng prôk hiăng le\m tiah hmâ. Laga, xuân u ối hên tíu a troăng kân 24 [ă troăng Trường Sơn Đông troăng ki tơkâ hluâ kong pơlê Kon Tum tro tơhnah pro chôm a troăng prôk.

Tung 25 tíu ki tơhnâp tơnêi a troăng Trường Sơn Đông, troăng ki tơkâ hluâ tơring Kon Plong, kong pơlê Kon Tum ai 5 tíu ki tơhnah tơhnâp tơnêi, pro ôh tá ai troăng prôk cheăm Ngọc Tem [ă a tơdế tơring. Tung pơla mê, tíu ki tơhnah tơhnâp tơnêi ó má môi cho a kơpong km 202 + 150.

A troăng kố péa pâ xuân tro tơhnah tơhnâp tâi [ă tơdế troăng ki nếo châ ‘mâi rơnêu a hơnăm nah hiăng tro têa mơhiu. A troăng kân 24, troăng tơkâ hluâ tơring Kon Plong, kong pơlê Kon Tum xuân hiăng hlo ai 4 tíu ki tơhnah tơhnâp, sap ing Km 74 + 00 troh Km 104 + 030 pro mâu rơxế ôh tá chiâng kơtâu tơkâ luâ.

Gương prế Katarina Nga tơplôu [ă tơbleăng