VOV4.Sêdang - Tiô Khu ngăn loăng kong kơpong 4, klêi séa ngăn, tối ai 565 tơdroăng tơkêa hơ’lêh xúa kong, tơnêi kong pêi chiak deăng, loăng kong, mâu kong pơlê Tây Nguyên hiăng pơkâ xo tơvêh lối 88 tơdroăng tơkêa bro, tâi tâng tơnêi mê lối 40 rơpâu 500 ha. Kong pơlê Lâm Đồng cho kong pơlê ki xo tơvêh hên tơdroăng tơkêa bro má môi 67 tơdroăng tơkêa, pơtối mê Dak Nông, xo tơvêh 15 tơdroăng tơkêa bro [ă hía hé. Ki xiâm xo tơvêh, xua mâu khu mơdró tơbleăng pêi hrá, lôi kong tro khu ‘mêi ko ‘nhiê, hdi xo pêi chiâk deăng hmâng vâ, hâi pro klêi hlá mơéa mung tơnêi, ôh tá ai liăn ‘na ‘no pêi cheăng. Nôkố, mâu kong pơlê kơpong Tây Nguyên hiăng pêi pro kơtăng tơdroăng hnê mơhno dêi Ngế pro xiâm hnê ngăn Chin phuh oh tá hơ’lêh ki pơxúa dêi tơdroăng xúa kong, tơnêi kong, mơdêk séa ngăn, mâu tơdroăng tơkêa tơdjâk troh kong, drêng châ ‘nâi pro xôi thế xo tơvêh vâ cheăm pêt nếo.

Gương tơplôu [ă tơbleăng