A têa kroăng Pa, cho têa kroăng ki kân má môi dêi Tây Nguyên, long têa Ka Nak, kong pơlê Gia Lai troh apoăng khế 3 bu ối dâng 40 rơtuh met kho#i têa, tơkéa vâ tối bu ối 11% tâng vâ pơchông ngăn [ă kơlo ki hiăng pơkâ hdrối. Pôa Đặng Văn Tuần, Kăn pơkuâ Ko\ng ti hngêi kơmăi on tơhrik An Khê - Ka Nak tối, dế nôkố, tá péa hngêi kơmăi on tơhrik pơrá kho\m châ rak vế vâ bu bê tôh ăm klâng chiâk [ă tơdroăng vâ xúa ăm kuăn pơlê ối peăng hdroh, tơdroăng ki vâ mơjiâng mơ’no on tơhrik ôh tá tối klâi xua pá ai têa. Hngêi kơmăi on tơhrik An Khê hiăng pơtê mơ’no on tơhrik a mơ’nui hơnăm 2019, bu pêi cheăng a mâu tíu ki ai têa vâ tôh ăm klâng chiâk dêi kuăn pơlê a tơring Tây Sơn, kong pơlê Bình Định.

Long Ka Nak hiăng vâ xiâ troh a kơdó

Hngêi kơmăi on tơhrik Ka Nak ai drêng pêi cheăng ai drêng pơtê, mơ-eăm kum ăm tơdroăng pêi chiâk deăng, rêh kâ ối dêi kuăn pơlê Gia Lai. Xua ti mê, sap apoăng hơnăm troh hâi lơ 6/3, tâi tâng kơxo# on tơhrik dêi tâi tâng hngêi kơmăi on tơhrik An Khê - Ka Nak bu châ dâng 4 rơtuh kWh, tơ’mô [ă môi hâi mơ’no on tơhrik tung rơnó mê hngê.

‘’Xua ôh tá bê têa mê ko\ng ti khoh pơtê tơdroăng mơ’no on tơhrik, mê tơku\m rak vế têa a long Ka Nak vâ kum kuăn pơlê ai têa tôh klâng chiâk, kum têa ôu hum ăm kuăn pơlê. Dế nôkố, ko\ng ti xuân ối rak vế tiô túa ki pơcháu dêi tơdroăng pơkâ chôu phut mơ’no têa vâ tôh tơmeăm pêt, tiô tơdroăng pơkâ dêi Ngế pro xiâm hnê ngăn Chin phuh, mơ’no têa ăm i tơtro vâ rak tơniăn ăm tơdroăng xúa têa ki ai kơd^ng’’.

Têa kroăng xiâm, long xiâ, ôh tá chiâng mơjiâng on tơhrik

Xuân môi tiah a kroăng Pa, mâu hngêi kơmăi on tơhrik a tơdế kroăng Srêpok, cho kroăng têa ki kân má péa a Tây Nguyên, tơkâ luâ 2 kong pơlê Dak Lak [ă Dak Nông xuân hiăng xiâ ó. Pôa Nguyễn Đức, Kăn pho\ pơkuâ Ko\ng ti on tơhrik {uôn Kuôp, tíu ki pơkuâ 3 khu hngêi kơmăi on tơhrik ki kân má môi dêi kroăng têa Srêpok 3 tối, ivá on tơhrik ki hngêi kơmăi mơ’no tung lối 2 khế kố bu châ 225 rơtuh kWh, tá hâi tơ’mô 1 khế dêi apoăng hơnăm nah.

Xua têa ing kơnho\ng hiu a long têa {uôn Tuôr Srah bu ai dâng 20m kho#i 1 yâi, tá 3 hngêi kơmăi on tơhrik pơrá pêi cheăng ôh tá rơhéa sap ing mơ’nui hơnăm 2019. Maluâ vâ kơdo mơ-eăm hlái ko\ng ti xuân bu tơniăn ai têa ăm peăng hdroh troh a khế 5, xua long têa ôh tá ai klo\ng mơ’no têa:

‘’Hơnăm nah, hâi lơ 9/5 têa hiăng xiâ ó. Hơnăm nah xuân hiăng kơdo mơ-eăm rak têa la bu kơtâu môi iâ tê klêi mê pơtê, mâu kơmăi tơdro, ôh tá tơniăn. Ăm kơmăi kơtâu troh a kơlo 464 mê tot, mê cho tơdroăng ki mơ-eăm vâ mơ’no têa troh a peăng hdroh tôh klâng chiâk. Drêng hiăng mơjiâng klêi hngêi kơmăi, ngin xuân hiăng tơmiât, riân ngăn nhên ’na troăng têa, pro ti lâi vâ khoh ai têa vâ bê tôh ăm peăng hdroh, la tơdroăng ki ngin pơkâ pêi pro mê hiăng châ chât to lâi hơnăm kố nah.

Drêng trâm tơdroăng ki ôh tá tơniăn tiah dế kố, mê Khu hnê mơhno pơkâ hnê tơdroăng tăng têa, kơdroh khăng khoăng, thăm nếo, tá Khu xiâm ngăn ‘na chiâk deăng dêi tơnêi têa xuân hiăng veăng kum, pơkâ mơ’no hên tơdroăng, la akố, ôh tá ai klo\ng mơ’no têa’’.

A Tây Nguyên, hngêi kơmăi on tơhrik a mâu kroăng ki kân trâm pá 1, mê mâu hngêi kơmăi on tơhrik ki pro a kroăng ku\n thăm rế pá puât hên ó tâ. Pôa Trương Công Hồng, Kăn pho\ pơkuâ ngăn ‘na cheăng kơmăi kong pơlê Dak Lak tối ăm ‘nâi, hiăng ai 2 toăng hngêi kơmăi on tơhrik athế tối pơtâng pơtê cheăng xua têa hiăng xiâ kơdroh ó, mê cho hngêi kơmăi on tơhrik Ea Drăng 2 (ai 6MW) [ă hngêi kơmăi on tơhrik Ea Tul 4 ai (6MW). {ă tơdroăng ki tô mơdrăng khoăng tiah nôkố, tâi tâng 24 hngêi kơmăi on tơhrik a kong pơlê Dak Lak pơtối kơdroh mơ’no on tơhrik:

‘’Hơnăm nah, kơxo# on tơhrik ki mơ’no dâng 3 rơtal kWh mê hơnăm kố hiăng chu kơdroh 20%. Xua hơnăm nah rơnó mêi bu iâ, têa hiu, têa mo\ng tung kơdâm tơnêi iâ, ing mê khoh pro têa a mâu rơchôa ôh tá hên, pro kơmăi ki vâ mơ’no on tơhrik xuân iâ há’’.

Mâu tơdroăng ki riân ngăn hdrối nah drêng mơjiâng mâu hngêi kơmăi on tơhrik a Tây Nguyên tá hâi teăm mơnhên rơhí rơhó ‘na tơdroăng ki tô mơdrăng khăng khoăng tung kơpong kố. Kong tô mơdrăng đi đo tung hên hơnăm hiăng pro mâu hngêi kơmăi on tơhrik chiâng pá. Kố cho roh ki kal vâ séa mơnhên ngăn ki xiâm kối khoh ôh tá bê têa a mâu têa kroăng.

Hôm xê xua ing tơdroăng ki hyôh kong prâi hơ’leh, kong ilâng peăng kơnho\ng hiăng tro ko ‘nhê ing mê, khoh pro têa kroăng, têa plông a Tây Nguyên xiâ tâi tâng, mâu rơchôa, hno têa xuân xiâ. Têa kroăng xiâ, long xiâ, rơchôa xiâ ki xiâm kối cho tơdroăng ki ko ‘nhê kong hên h^n, mê hyôh kong prâi khoh tô mơdrăng ó a Tây Nguyên.

Công Bắc chêh

Nhat Lisa tơplôu [ă tơbleăng