VOV4.Sêdang Peăng xêi lơ 30/12, a pơlê Nông Nhầy 2, cheăm tơkăng kong Dak Nông, tơring Ngọc Hồi, kong pơlê Kon Tum, Khu xiâm ngăn On tơhrik kơpong tơdế tơnêi têa tơku\m séa ngăn [ă krâ kơmăi ăm tâk chu on tơhrik 110 kV Bờ Y. Tiah mê, sap ing Têt hơnăm kố ah kuăn pơlê a 3 tơring tơkăng kong dêi kong pơlê Kon Tum, mê cho: Sa Thầy, Ngọc Hồi [ă Đăk Glêi ti tô tuăn xua ôh tá ai on tơhrik.

Séa ngăn rôh má mơ’nui tíu krâ ‘măn kơmăi ki ăm tâk chu 110kV Bờ Y hdrối vâ krâ on tơhrik.

Tơbleăng hnoăng mê sap ing khế 4/2019, tíu ‘măn kơmăi mơdêk-ju ivá on tơhrik 110kV Bờ Y ai tâi tâng  kơxo# liăn to\ng kum vâ chê 127 rơtal liăn xua Khu xiâm ngăn on tơhrik kơpong tơdế tơnêi têa pro xiâm ‘no liăn mơjiâng.

Pôa Nguyễn Văn Hạnh, Kăn pho\ pơkuâ Ko\ng ti on tơhrik Kon Tum ăm ‘nâi, troăng kơxái [ă Tíu ‘măn kơmăi pro mơdêk-ju on tơhrik 110 kV Bờ Y drêng xúa kô thăm pro ki loi tơngah kơvâ on tơhrik ăm mâu tơring kơpong peăng kơnho\ng Kon Tum, tá mơ’no tê on tơhrik ăm kong têa Lếo. Pak^ng mê, tơdroăng tơkêa bro kố xuân kơdroh ki ‘no hên ivá on tơhrik ăm kơpong tơring Đăk Glei.

 Gương tơplôu [ă tơbleăng