Tơbleăng a Hneăng hôp ăm hlo, tơdroăng ăm mung liăn ôh tá tro luât tung kong pơlê Dak Lak hlo ai rế hía rế hên, pro chiâng ôh tá tơniăn tung pơlê pơla, pro tô tuăn tung pơlê. Mâu ngế ki ăm mung cho pêi cheăng tê rôe tơmeăm khoăng pêi lo ing chiâk deăng, tíu râng tơmeăm, hơ’lêh hâi khế chêl hngêi arak liăn, tê mơdró iâ êt [a\ hía hé; mơ-éa ăm mung, rôe tơmeăm ôh tá êa kok tơmeăm khoăng, túa xo liăn laih, chêl liăn che\n hên troăng, tơ’lêi hlâu.

Klêi kơ’nâi xêo apoăng dêi mâu kơ koan cheăng, nôkố tung kong pơlê Dak Lak ai dâng 40 khu tơru\m cheăng tung tơnêi têa [a\ kong têa ê ăm mung liăn, rôe che\n tơmeăm khoăng. Riân sap apoăng khế 10/2018 – khế 1 hơnăm 2019, Ko\ng an kong pơlê Dak Lak hiăng tơplâ mơdât 24 khu [a\ 91 ngế ki ăm mung liăn ôh tá tro luât.

Jâ Bùi Thị Hòa xông tơpui a Hneăng hôp

‘Na mâu tơdroăng xiâm chiâng ai tơdroăng kuăn pơlê, ki rơhêng vâ tối cho nâ o, vâi kơdrâi klêh klôh tơdroăng ăm mung liăn ôh tá tro luât, jâ Bùi Thị Hòa, Kăn xiâm pho\ hnê ngăn Khu pơkuâ vâi kơdrâi Việt Nam tối ăm ‘nâi:

‘’Ngin tơmiât xiâm kối chiâng ai tơdroăng kố cho tơdroăng hlê ple\ng luât dêi nâ o vâi kơdrâi ‘na tơdroăng mung liăn tung hngêi arak liăn, ‘na mâu pơkâ luât dêi hngêi arak liăn ‘na mâu tơdroăng pêi cheăng vâ mơjiâng kơxo# liăn ăm dêi tơná cho tá hâi tu\m.

Môi tơdroăng ki ê xuân cho xiâm kối chiâng ai tơdroăng ăm mung liăn ôh tá tro luât mê cho mâu troăng hơlâ, mơ-éa, mâu troăng hơlâ ăm mung dêi pin tá hâi troh [a\ kuăn pơlê, ki ê nếo cho xua kuăn pơlê tá hâi hlê ple\ng mâu tơdroăng ki tơtro tung troăng hơlâ, môi iâ tung mê ai mâu pơkâ vâ châ mung liăn kố cho pá puât, tơdrêng amê kuăn pơlê kal mung re\ng laga tá hâi châ pro ăm kuăn pơlê.

Môi tơdroăng xiâm má pái nếo, mê cho tơdroăng ôh tá kơtăng tung pơkuâ tơnêi têa vâ tơdroăng ăm mung liăn ôh tá tro luât kố hlo ai hên tung pơlê chiâng pro ôh tá tơniăn a kơpong thôn pơlê’’.

Tíu tơku\m po hneăng hôp

A Hneăng hôp tơpui tơno, mâu nâ o châ tơbleăng tối ‘na túa pêi tung tơdroăng ăm mung liăn ôh tá tro luât; túa hbrâ mơdât, mơdât lôi tơdroăng ăm mung liăn ôh tá tro luât tung kong pơlê, mâu túa po rơdâ tơdroăng ăm mung liăn kum tung mơjiâng pro tơmeăm khoăng [a\ xúa vâ kơdroh tung tơdroăng ăm mung liăn ôh tá tro luât…

Vâ mơdât tơdroăng ăm mung liăn ôh tá tro luât, tung pơla kố nah, kong pơlê Dak Lak hiăng pêi pro hên túa môi tiah thăm pơtâng tối vâ mơdêk hlê ple\ng ăm kuăn pơlê ‘na tơdroăng mung liăn; tơbleăng nhên mâu tơdroăng ăm mung liăn ki kơjo, mâu kơxo# liăn to\ng kum dêi tơnêi têa vâ kuăn pơlê châ mung; mâu khu cheăng, khu cheăng kal kí thăm tơru\m [a\ mâu hngêi arak liăn vâ teăng mâ kum ăm vâi kơdrâi châ mung liăn. Tơdrêng amê, thăm pêi pro mâu tơdroăng plâ mơdât mâu ngế pro xôi ‘na mung liăn xo liăn laih kơnâ, xuân môi tiah tơdroăng lăm pâ liăn che\n ôh tá tro luât.

Mâu nâ o tơpui tơno a Hneăng hôp

Tiô Thươ\ng tă Nguyễn Văn Qúy, Pho\ pơkuâ [ơrô PC45 Ko\ng an kong pơlê Dak Lak tối túa xiâm kối vâ tah tơdroăng ăm mung liăn ôh tá tro luât cho tơnêi têa kal ai troăng hơlâ vâ kum kuăn pơlê châ mung liăn dêi hngêi arak liăn tơ’lêi tâ:

‘’Mâu túa vâ mơdât tơdroăng ăm mung liăn ôh tá tro luât mê ngin hiăng tơbleăng ăm Khu pơkuâ hnê mơhno rơtế [a\ khu hbrâ mơdât mâu ngế xôi dêi kong pơlê vâ hnê mơhno mâu kơvâ cheăng, rêm râ tơru\m [a\ Ko\ng an tung hbrâ mơdât ăm mung liăn ôh tá tro luât. ‘Na túa xiâm mê tơnêi têa kal ai troăng hơlâ vâ hnê mơhno Hngêi arak liăn ai troăng hơlâ vâ pro tơ’lêi hlâu ăm kuăn pơlê pêi chiâk deăng, mâu ngế tê mơdró, sinh viên kô tơ’lêi châ mung liăn tro tiô luât.

Túa pêi nếo cho tiô pơkâ dêi luât nôkố vâ châ hnê mơhno mâu kơ koan xăm tối vâ pơxâu phak mâu ngế ki ăm mung xo liăn laih kơnâ xua ăm mung liăn ôh tá tro luât. Xua mê, thế pro tiah lâi mơdêk luât pơxâu phak vâ hbrâ mơdât, mơnhâu mâu ngế ki ăm mung ôh tá tro luât’’.

Vũ Nam Trang chêh

A Sa Ly tơplôu [a\ tơbleăng