Tơdroăng sôk ro dêi kuăn pơlê thôn Thanh Sơn, cheăm Vụ Bổn drêng kông nếo mơjiâng kêi

Thôn Thanh Sơn, cheăm Vụ Bổn, tơring Krông Pa], kong pơlê Dak Lak ai 190 rơpo\ng [a\ lối 700 pơ’leăng mâ mơngế, [a\ ai 6 hdroâng kuăn ngo rơtế rêh ối pêi cheăng kâ. A khế 9 troh khế 11 rêm hơnăm lâp thôn Thanh Sơn [a\ mâu thôn, pơlê ki achê đi đo tro têa lân lu, đik kân ôh tá châ prôk lăm ngi pơlê dêi pó. Tơdroăng prôk lăm, pơto tơmeăm pêi lo ing chiâk deăng tung kơpong kố kơnôm to kông loăng hiăng pok, pro kông tơkâ têa ku\n Ea Rớt. Ki rơhêng vâ tối, a rơnó mêi hngê, têa lân lu, đik kân, hiu hdrok têi pro tơdroăng prôk lăm dêi vâi krâ tung kơpong [a\ mâu vâi muăn hok tro cho rơ-iô khât.

Tơdroăng sôk ro dêi kuăn pơlê thôn Thanh Sơn, cheăm Vụ Bổn drêng kông nếo kêi đeăng

Xua kơtăn hơngế ing cheăm ai 12 km, prôk vêh pá puât mê vâi krâ tung kơpong thế pâ ăm mâu kuăn ‘ne\ng tơná hriâm a cheăm Ea ô, tơring Ea Kar. Rêm roh rơnó mêi têa đik kân, lâp thôn thế pơtroh mơngế ối gak péa pâ kông vâ chông djâ, têk râng mâu muăn prôk tơkâ kông. Nếo achê kố, Đoân viên droh rơtăm cheăm Vụ Bổn [a\ Khu ki pleăng hnoăng cheăng Tây hiăng tơku\m po mơhnhôk mâu khu to\ng kum veăng tơlo liăn vâ mơjiâng pro kông [ê tông tơkâ hluâ têa ku\n Ea Rớt. Tiô pôa Lương Xuân Ớ, Kăn pơkuâ thôn Thanh Sơn tối, kông mơhé ku\n, laga pơxúa kân.

Tơdroăng sôk ro dêi kuăn pơlê thôn Thanh Sơn, cheăm Vụ Bổn drêng kông nếo kêi mơjiâng

‘’Châ tơmâng dêi mâu khu to\ng kum, châ ai kông mê tơdroăng rêh ối dêi vâi krâ rế hía rế mơnhông tơtêk. Hdrối nah, drêng tá hâi ai kông, hâi khế kong mêi khía mơhot, ki hên mâu rơpo\ng ai kuăn cháu hok tro thế chiân vâi prôk lăm, ki má lối tung pơla rơnó mêi. Tung thôn kố pơtih rơpo\ng ai pu\n, pơtăm ngế muăn xuân thế ai môi ngế teăng mâ ăm rơpo\ng ki mê vâ gak, chiân djâ mâu vâi muăn lăm peăng pá tá têa. Thế hơ’lêh dêi pó xua drêng têa lân lu, đik kân thế đi đo rak ngăn vâ chiân mâu vâi muăn prôk pá tâ tâ lăm hriâm’’.

Tơdroăng sôk ro dêi kuăn pơlê thôn Thanh Sơn, cheăm Vụ Bổn drêng kông nếo kêi 

Pôa Hà Văn Đề, kuăn pơlê thôn Thanh Sơn tối ăm ‘nâi, kông kố ôh tá xê to kum kuăn pơlê [a\ mâu vâi muăn hok tro hmiân tuăn prôk lăm tung rơnó mêi têa kân lân lu mê ối cho tíu ki prôk lăm pơto tơmeăm khoăng, tê tơmeăm pêi lo ing chiâk deăng dêi vâi krâ tung kơpong xuân châ tơ’lêi hlâu tâ, ôh tá tro khu mơdró rôe hdjip yă.

‘’Hdrối nah, drêng tá hâi ai kông kố mê tơdroăng pơto tơmeăm khoăng a rơnó mêi a kố cho pá puât khât. Sap ing hâi ai kông kố mê troăng prôk lăm tơ’lêi tâ, kuăn pơlê pêi cheăng kâ, pêi chiâk deăng, tê tơmeăm ôh tá tro khu mơdró ki rôe hdjip yă xếo. Sap ing hâi châ mâu ngế ki to\ng kum, tơmâng mơjiâng kông ăm vâi krâ akố, tối tơdjuôm mâu vâi muăn prôk lăm tơ’lêi, tơniăn tâ. Hdrối tá tá hâi ai kông kố, rêm roh rơnó mêi troh Khu pơkuâ thôn thế ăm mơngế lo a kông chiân mâu vâi muăn lăm hriâm’’.

Kông [ê tong, meăm thep xo\n 21 met tơdjêp péa pâ k^ng têa Ea Rớt, cho môi tơmeăm kum tung tơdroăng rêh ối pêi cheăng kâ ‘’Tíu ki mơhnhôk hriâm pơlê kong kân Hồ Chí Minh’’ tơru\m [a\ Đoân droh rơtăm cheăm Vụ Bổn [a\ Khu ki pleăng hnoăng cheăng Tây Nguyên po rơdâ mơjiâng pro [a\ kơxo# liăn 190 rơtuh liăn.

Pôa Lê Ngọc Tú, Kăn hnê ngăn Vi[an cheăm Vụ Bổn tối ăm ‘nâi, klêi kơ’nâi tơdroăng tơkêa bro châ mơjiâng, Vi [an cheăm hiăng mơhnhôk vâi krâ po rơdâ tơ’nôm troăng kum kuăn pơlê rêh ối, cheăng kâ, kum khu kăn pơkuâ cheăm mơjiâng thôn pơlê nếo.

‘’Khu pơkuâ Đoân droh rơtăm dêi cheăm ai tơbleăng to\ng kum mơjiâng môi to kông [ê tong, ‘na cheăm hiăng hlo nâng hiâm mơno djâ troăng ahdrối dêi khu pơkuâ Đoân tung tơdroăng to\ng kum mơnhông mơdêk cheăng kâ tơ’lêi hlâu ăm vâi krâ kuăn pơlê [a\ to\ng kum hriâm tâp xuân môi tiah veăng kum mơjiâng thôn pơlê nếo dêi cheăm.

Pak^ng mê, ai hnoăng dêi khu pơkuâ Đoân droh rơtăm mê xuân môi tuăn, mơhnhôk vâi krâ thôn Thanh Sơn pleăng tơnêi po rơdâ troăng sap ing 2m to 4 m [a\ hiăng ok tơnêi kơtâk, cheăm hiăng to\ng kum tơ’nôm liăn mung rơxế ki gu tơnêi to\ng kum thôn prôk lăm tơ’lêi tâ tung rơnó mêi hngê, têa kân, lân lu’’.

Kông kum kuăn pơlê rêh ối cheăng kâ a thôn Thanh Sơn a têa Ea Rớt châ kêi đeăng cho roh hâi mơjiâng tơnêi têa, hbrâ ăm mot hơnăm hriâm nếo, pro chiâng phiu ro, sôk suâ ăm hr^ng rơpo\ng a cheăm Vụ Bổn, tơring Krông Pa], kong pơlê Dak Lak. Tơdroăng pêi ai pơxúa kố dêi Đoân droh rơtăm cheăm Vụ Bổn [a\ Khu mơngế pleăng hnoăng cheăng Tây Nguyên cho kơhnâ rơkê păng ‘nâng.

Tuấn Anh chêh

A Sa Ly tơplôu [a\ tơbleăng