VOV4.Sêdang - Kơxo lơ 12/12, Khu kăn pơkuâ kong pơlê Kon Tum hiăng tơku\m po leh chôu nhang, pleăng reăng tơbâ mâu ngoh khên tơnôu hlâ drêng tơbâ 86 hơnăm rôh tơplâ lo mơheăm chhá a Hngêi phak Kon Tum.

Hâi lơ 12/12/1931, phak tơdroăng cheăng kal kí a ‘’Hngêi phak Kon Tum’’ hiăng tơ-plâ xâ ki rup kroăng, mơ’nêa kuăn pơlê pêi cheăng pá puât ăm khu lêng Pơhlăng. Rôh tơplâ mê hiăng châ hbrâ rơnáu, ai tơdroăng pêi pro ki krâu khât, ai hlá mơ-éa chêh ‘’Tối tơbleăng ‘na tơdroăng kal kí’’, khu ki khên tơplâ tá troh hlâ.

Khu lêng Pơhlăng ki pơkuâ ngăn hngêi phak hiăng pe\ng hlâ 8 ngế, pro 8 ngế kuăn pơlê tro rong. Tơtrâ tơdroăng ki hjip mơ’nêa ó kố, tro phak ‘na tơdroăng kal kí mê mâu kuăn pơlê hiăng tơku\m po roh tơplâ pơtối 5 hâi hlối.

Troh hâi lơ 16 khế 12, khu xâ Pơhlăng pơtối mơ’nêa nếo, pe\ng kơdê 7 ngế kuăn pơlê hlâ [ă 7 ngế tro rong. Mâu rôh tơplâ a Hngêi phâk Kon Tum tro khu xâ Pơhlăng hjip, mơ’nêa, tơplâ lo mơheăm chhá la ai tơdroăng ki ô eăng khên tơnôu kân tung hnoăng cheăng kăch măng tung tơnêi têa [ă kuăn pơlê dêi kong têa ê drêng mê nah, pơklât thế khu xâ athế hơ’lêh tơdroăng pơkuâ ‘na kal kí [ă pêi pro kum tiô troăng hơlâ pơkâ dêi Hngêi phak kal kí, sap ing tơdroăng ki tah lôi ivá hjip mơ’nêa, pơklât thế khu tro phak kal kí pro troăng kân 14, hnối pêi pro troh tơdroăng tah lôi Hngêi phâk Kon Tum a hơnăm 1934 nah.

Katarina Nga tơplôu [ă tơbleăng