VOV4.Xơ Đăng - Kơmăng lơ 28/7, Khu hnê mơhno má môi Khu râ kăn hnê ngăn Tổng Liên đoân pêi cheăng Việt Nam kô diâp Pri Nguyễn Văn Linh roh má III hơnăm 2022 ăm 10 ngế kăn ƀô̆ Kŏng đoân ki rơkê. Pri Nguyễn Văn Linh cho pri ki kơnía dêi Tổng Liên đoân pêi cheăng Việt Nam diâp ăm kăn ƀô̆ Kŏng đoân mâu râ rơkê tung pêi cheăng, ai hên troăng tơmiât pêi rơkê, troăng pêi pơ’lêh nếo tung tơdroăng cheăng kŏng đoân, kum mơjiâng khu pêi cheăng kŏng đoân ó rơdêi, mơjiâng kơ koan, khu tê mơdró, tíu cheăng mơnhông mơdêk krá tơniăn, mơjiâng yai kâ̆p kŏng nhân Việt Nam rơxông pêi cheăng xúa kơmăi kơmok rơxông nếo, mơjiâng tơnêi têa tiô troăng rơxông nếo ƀă mot tơrŭm lâp plâi tơnêi.

Hơnăm kố pri châ diâp ăm 10 ngế kăn ƀô̆ kŏng đoân ki rơkê lâp tơnêi têa. Leh diâp pri tơkŭm po a Hà Nội a kơmăng hâi lơ 28/7, tro hâi leh tơbâ 93 hơnăm mơjiâng Kŏng đoân Việt Nam.

A Sa Ly tơplôu ƀă tơbleăng