Ing mê, rôh tơnêi tơdro têi 2,8 đô̆ châ kơmăi dêi Tíu xiâm tối ăm ‘nâi tơnêi tơdro ƀă tối tơbleăng hdrối ai têa rơlâu lân châ ‘nâi a 10 chôu 19 phut a tíu ai toă đô̆ 14.924 đô̆ vĩ Bắc - 108.252 đô̆ Kinh Đông. Đô̆ ki trâu tơdro dâng 8.1km ƀă cho râ ki rơ-iô kô pro ôh tá tơniăn a râ xơrô. Tíu xiâm tối tơbleăng tơnêi tơdro ƀă tơbleăng hdrối ai têa rơlâu lân - Viện Vật lý Địa cầu xuân dế pơtối séa ngăn tơnêi tơdro.

Lơgât kơchuâ chêh mơhno tíu tơnêi tơdro a Kon Tum

Hdrối mê, xuân a kơpong tơring Kon Plông, kong pơlê Kon Tum, hâi lơ 24/10, kơmăi dêi Tíu xiâm tối tơbleăng ‘na tơnêi tơdro ƀă tơbleăng hdrối kô ai têa rơlâu lân - Viện Vật lý địa cầu xuân hiăng ‘nâi ai pơtối 2 rôh tơnêi tơdro têi 2.5 ƀă 3.4 đô̆ a kố.