Sap ing kơxo má, tơdroăng tâ phĭu hiăng kơdrâm phiu ro a mâu rơlố; hlá cơ Tơnêi têa, băng rôn; rơkong pơtâng hnê tối châ rơnuâ krip a mâu tíu tâ phĭu. Kuăn pơlê cho kăn ƀô̆, mâu lêng ƀă kuăn pơlê a rơlố lĕm krip sâp hmân ếo lơ hmân ếo tiah hmâ rêm hâi, djâ theh mơngế ki lăm tâ phĭu troh pêi pro hnoăng ƀă hnoăng kuăn pơlê.

Tro 7 chô, mâu kơpong tâ phĭu rơtế pêi pro. Tung tơdroăng ki kân krip tung dế têa kơxĭ kân rơdâ, mơngế tâ phĭu tơmiêt ngăn pơchuât inhên mâu ngế ki tơbriêt to pro kăn ahdrối vâ tâ phĭu tung kơhôp phĭu. Troh 11 chô 30 phut rơtế hâi mê, tơdroăng tâ phĭu a 20 kơpong tâ phĭu hiăng kêi đeăng tâi tâng tro pơkâ; mâu tôh tâ phĭu tơkŭm riên phĭu, klĭng tât ƀă pơtroh phĭu tâ vêh a tơnêi ‘lâng vâ pơcháu ăm Viƀan tâ phĭu kơpong cheăng kâ Trường Sa.