VOV4.Xơ Đăng - Kong măng lơ 3/10, Hngêi hơdruê Rơ’jiu Việt Nam, 58 Quán Sứ, Hà Nội, Hội Xuất bản quốc gia tơrŭm ƀă Khu xiâm pơtâng tối tơdroăng kal ing troăng hyô um tơvi, Rơ’jiu, Internet ƀă Rơ’jíu xiâm Việt Nam tơkŭm po Leh diâp pri Hlá mơéa Tơnêi têa rôh má 5. Pri Hlá mơéa Tơnêi têa rôh má 5 ai 48/57 khu ki chêh mơ’no veăng. Hô̆i đong Pri Hlá mơéa Tơnêi têa rôh má 5 hiăng môi tuăn diâp ăm 26 ƀai chêh, tung mê ai 1 pri A, 9 pri B ƀă 16 pri C ƀă mâu hlá mơéa ối tung 5 kơvâ:  Chính trị, kinh tế; Khoa học tự nhiên và công nghệ; Khoa học xã hội và nhân văn; Văn hóa, văn học và nghệ thuật; Thiếu nhi.

Pri chêh tơnêi têa cho pri râ tơnêi têa châ tơkŭm po rêm hơnăm, diâp pri ăm mâu kơxop hlá mơéa, khu hlá mơéa ki kơnía ‘na tơdroăng ki xiâm cho hiâm mơno, tuăn ngoâ, ki lĕm, ai tơdjâk rơdêi troh pơlê pơla lơ veăng kum trâu hngế tung tơdroăng cheăng, châ kuăn pơlê hâk vâ, khu ki rơkê mơnhên tối khât a mâu kơvâ cheăng.

VOV Tây Nguyên/Tơplôu: Katarina Nga