VOV4.Xơ Đăng - Pêi pro Pơkâ kơxô̆ 24 dêi Vi ƀan pơkuâ Kuô̆k hô̆i ‘na tơdroăng pơtối mơhá tŏng kum ƀă mơngế pêi cheăng tiô Pơkâ kơxô̆ 03 dêi Vi ƀan pơkuâ Kuô̆k hô̆i hneăng má 15 hiăng nâp hô sơ troh hâi khế. Riân troh nôkố, Ƀaoh hiêm pơlê pơla 63 kong pơlê, pơlê kong kơdrâm hiăng mơ’no liăn tŏng kum 243 rơpâu ngế pêi cheăng ƀă kơxô̆ liăn cho 689 rơtal liăn. Vâ pêi pro teăm tơdrêng, rĕng ƀă châ tơƀrê troăng hơlâ tŏng kum tiô pơkâ kơxô̆ 24, pôa Nguyễn Thế Mạnh, Kăn xiâm pơkuâ Ƀaoh hiêm pơlê pơla Việt Nam hiăng thâ hnê mơhno mâu tíu cheăng, Ƀaoh hiêm pơlê pơla mâu kong pơlê, pơlê kong kơdrâm pơtối pêi tiô tơdroăng nôkố pêi pro kơxô̆ liăn tŏng kum tro tiô pơkâ; mơnhông mơdêk tơ’lêi hlâu dêi kơmăi kŏng ngê̆ dêi kơvâ cheăng.

Pakĭng mê, Ƀaoh hiêm pơlê pơla Việt Nam pơkâ tơtrŏng tơdroăng, pơtâng tối vâ mơngế pêi cheăng hiăng nâp hô sơ pơkâ thế châ tŏng kum kơxô̆ liăn tro hâi khế châ xúa troăng hơlâ tŏng kum teăm tơdrêng, tro tŭm ƀă tơdrăng lĕm.

A Sa Ly tơplôu ƀă tơbleăng