Pôa Trần Lưu Quang, Ngế xiâm phŏ hnê ngăn tơnêi têa hiăng kĭ Pơkâ kơxô̆ 648/QĐ/TTg ăm Ƀâng “Tơnêi têa chêh hnoăng’’ ăm 4 ngế ki hlâ ai hnoăng ối tung Khu xiâm kŏng an ƀă 2 ngế hlâ ai hnoăng ối tung kong pơê Dak Lak. Pơtối mê, tung 6 ngế hlâ ai hnoăng châ ăm Ƀâng “Tơnêi têa chêh hnoăng” ai 4 ngế cho tung Khu xiâm kŏng an, mê cho: Hoàng Trung ngế hlâ ai hnoăng, Thiê̆u tă Kŏng an kuăn pơlê, kăn ƀô̆ kŏng an cheăm Ea Ktur, tơring Čư̆ Kuiñ, kong pơlê Dak Lak; Trần Quốc Thắng ngế hlâ ai hnoăng, thiê̆u tă Kŏng an kuăn pơlê, kăn ƀô̆ cheăm Ea Tiêu, tơring Čư̆ Kuiñ, kong pơlê Dak Lak; Hà Tuấn Anh, ngế hlâ ai hnoăng, Đăi ŭy Kŏng an kuăn pơlê, kăn ƀô̆ Kŏng an cheăm Ea Tiêu, tơring Čư̆ Kuiñ, kong pơlê Dak Lak; Nguyễn Đăng Nhân, Đăi ŭi Kŏng an kuăn pơlê, kăn ƀô̆ Kŏng an cheăm Ea Ktur, tơring Čư̆ Kuiñ, kong pơlê Dak Lak.

Péa ngế hlâ ai hnoăng ối tung kong pơlê Dak Lak, mê cho: Nguyễn Văn Kiên, Kăn pơkuâ hnê ngăn Đảng ủy, Kăn hnê ngăn Hô̆i đong cheăm Ea Ktur, tơring Čư̆ Kuiñ, kong pơlê Dak Lak ƀă Nguyễn Văn Dũng, Kăn phŏ pơkuâ hnê ngăn Đảng ủy, Kăn hnê ngăn Vi ƀan cheăm Ea Tiêu, tơring Čư̆ Kuiñ, kong pơlê Dak Lak (pơlê xiâm a cheăm Hùng Tiến, tơring Nam Đàn, kong pơlê Nghệ An).

Hdrối mê, kơxo má lơ 11/6/2023, a tơring Čư̆ Kuiñ hiăng ai tơdroăng môi khu dâi pháu lăm mot plâ a  Vi ƀan cheăm Ea Tiêu ƀă cheăm Ea Ktur, pro hlâ, ƀă tro rong mâu kŏng an, kăn ƀô̆ cheăm ƀă kuăn pơlê. Riân troh 18h30 phut hâi lơ 12/6, mâu khu râ pơkuâ cheăng hiăng tăng rup châ 27 ngế ki lăm mot plâ a tíu pêi cheăng Vi ƀan cheăm Ea Tiêu ƀă Ea Ktur, tơring Čư̆ Kuiñ, kong pơlê Dak Lak, Mâu klŏng an dế tơrŭm tăng rup mâu ngế, séa ngăn kơ-êng, pơxâu phâk kơtăng tro tiô luât.