Kơxo hâi lơ 7/7 a tíu pêi cheăng Chin phuh, pôa Trần Văn Sơn, Ngế xiâm, Ngế pơkuâ Ƀơrô Chin phuh pêi cheăng ƀă Khu xiâm ngăn troăng prôk rơxế kơtâu ‘na tơdroăng  hiăng klêi tối tơbleăng  tơdroăng séa ngăn bro hlá mơ-éa cheăng ƀă pro tơniăn mâu tơdroăng chêh dêi mâu kăn xiâm, tơdroăng hnê mơhno, pơkuâ cheăng dêi Chin phuh, Ngế pro xiâm hnê ngăn Chin phuh.

Tối mơgêi rôh pêi cheăng, pôa Trần Văn Sơn, Ngế xiâm pơkuâ Ƀơrô Chin phuh pơkâ thế, Khu xiâm ngăn troăng prôk rơxế kơtâu mơdêk ‘mâi hơ’lêh mâu pơkâ, tơdroăng pro hlá mơ-éa; tah ki xơpá, tơvâ tơvân tung tơdroăng pêi cheăng, tê mơdró ƀă tơdroăng rêh ối dêi kuăn pơlê; pê klêi tơdroăng pơkâ ‘mâi hơ’lêh hiăng châ ăm ai hnoăng chiâng phêp kĭ rak tơniăn tơdroăng pêi pro, pêi tơƀrê tiô tơdroăng hiăng pơkâ. Tơmâng kơdroh tah, pro tơ’lêi hlâu mâu hlá mơ-éa vâ mơdêk tơƀrê, xêt khât tung cheăng dêi kơvâ ngăn troăng prôk rơxế kơtâu.