Kong pơlê Dak Nông nếo séa ngăn ƀă ăm xúa troăng prôk ‘mâi rơnêu, po rơdâ troăng prôk sap ing troăng kân 14 troh bo cheăng Bu Prăng. Troăng prôk kố ai pơxúa kal khât vâ mơnhông mơdêk cheăng kâ rêh ối pơlê pơla, rak vế tơniăn gâk kring pơlê pơla, cheăm bêng kơpong tơkăng kong dêi kong pơlê.

Tơdroăng tơkêa kố cho troăng prôk ki ai tâi tâng xŏn 38km ối tung Tơdroăng tơkêa Tŏng kum mơnhông ôm hyô kơpong tơkăng kong tơdroăng tơkêa kŭn kong pơlê Dak Nông, tơkŭm hơ’lêh tơdjêp troăng prôk, ai kơxô̆ liăn ‘no 426 rơtal liăn sap ing liăn mung dêi Hngêi rak liăn mơnhông mơdêk Châu Á (ADB). Tơdroăng tơkêa kố châ bro a khế 8/2020, tơkâ luâ mâu cheăm Nâm N’Jang, Dak N’Drung (tơring Dak Song) ƀă Dak Buk So, Quảng Trực (tơring Tuy Đức).

Tiô pôa Hà Sỹ Sơn – Kăn phŏ pơkuâ Khu ngăn troăng prôk ƀă rơxế kơtâu Dak Nông, vâ kum mơnhông mơdêk cheăng kâ rêh ối pơlê pơla mâu kơpong thôn pơlê, tơkăng kong, hơnăm 2023, kong pơlê dế pơtối ‘no lối 700 rơtuh liăn vâ ‘mâi rơnêu, tơdjêp mâu troăng prôk.