Drêng tơbâ 133 hơnăm hâi kot mâ Pôa Hồ, hâi lơ 19/5, Vi ƀan hnê ngăn pơlê kong kơdrâm Buôn Ma Thuột tơkŭm po Leh mơhnhôk “Têt Pêt loăng đi đo pâ Pôa Hồ”. A rôh leh mơhnhôk, 110 xiâm loăng karê prăng ki kân sap 12-15cm hiăng châ pêt a kơpong troăng kân Đông Tây, bêng Tự An, pơlê kong kơdrâm Buôn Ma Thuột.

Pôa Trần Đức Nhật, Kăn phŏ Vi ƀan pơlê kong kơdrâm Buôn Ma Thuột ăm ‘nâi, pơlê kong kơdrâm Buôn Ma Thuột cho môi tung mâu pơlê kong kơdrâm ai hên loăng ngiât xŏn pơchông tung lâp tơnêi têa ki xâp lối 8,72m2 kơpêng ko mơngế a kơpong tung pơlê kong kơdrâm ƀă lâp pơlê kong kơdrâm ai 17, 21 m3/tung môi ngế.

Pêi pro tơdroăng pêt 1 rơtal xiâm loăng ngiât dêi Chin phuh, hơnăm nah pơlê kong kơdrâm Buôn Ma Thuột hiăng pêt châ 29 rơpâu xiâm loăng ngiât tŭm hdrê. Buôn Ma Thuột xuân mơ-eăm troh hơnăm 2030 chiâng kơphô̆ ngiât lĕm, kong kế, rơkê plĕng ƀă khôi túa lĕm tro.