VOV4.Xơ Đăng - Pơtối hôp dêi Chin phuh tiah hmâ khế 7/2022, kơxê lơ 3/8 Chin phuh hôp tơpui tơno ‘na tơdroăng ăm mung liăn ngân ‘no mơjiâng tơmeăm khoăng tơnêi têa. Tơbleăng hnê tối a hneăng hôp pôa Phạm Minh Chinh, Ngế pro xiâm hnê ngăn tơnêi têa tối nhên, pơla hdrối kố nah, Chin phuh pơtối mơdêk 6 tôh pêi cheăng tơrŭm mâu khu xiâm, kơvâ cheăng, kong pơlê tí tăng ‘nâi plĕng xiâm vâ vâ pêi tro mơdêk tâ tơdroăng xo liăn ngân ‘no mơjiâng tơmeăm khoăng tơnêi têa.

Tâ tá hneăng hôp

Ing mê,  hnê mơhno, pơkuâ, séa ngăn, tí tăng ngăn pơla hdrối kố nah dêi mâu tôh pêi cheăng tối tơbleăng, tối nhên kal mơnhên ki xiâm ti lâi hên liăn ‘no mơjiâng tơmeăm khoăng tơbleăng ‘mâi mơnhông ƀă mơdêk cheăng kâ lơ hrá châ xo liăn ngân.

Ngế pro xiâm hnê ngăn tơnêi têa kal tí tăng ‘nâi plĕng nhên tơdroăng vâ ‘nâi ki xiâm ôh tá vâ rĕng tơmâng, ki lâi cho tơdroăng ‘na luât pơkâ, luât pơkâ mê cho ing kơbố, cho dêi Chin phuh mê Chin phuh thế pro ti lâi, tâng tro dêi peăng mâu khu xiâm mê mâu khu xiâm thế pêi pro krâu khât.

Gương tơplôu ƀă tơbleăng