Rôh po kơchơ kố ai tơdroăng ki veăng tơrŭm dêi 120 khu mơdró kâ, khu pêi cheăng tơrŭm, rơpŏng tê mơdró, ƀă 130 kơbong mơđah tơbleăng kơchâi, reăng, ôm hyô pêi chiâk deăng, mâu tơmeăm OCOP ki xiâm, ki rơdêi dêi Pơlê kong kơdrâm Đà Lạt, Bảo Lộc ƀă mâu tơring dêi kong pơlê Lâm Đồng.

Pakĭng mê, pơlê krâm 8, Pơlê kong kân Hồ Chí Minh ƀă Kơ koan chêh hlá mơ-éa tơring Hampyeong (kong pơlê Jeolla Nam, Hàn Quốc) xuân ai kơbong mơđah tê tơmeăm. Tiô pôa Nguyễn Van Sơn, Kăn phŏ hnê ngăn Vi ƀan pơlê kong kơdrâm Đà Lạt, rôh po kơchơ cho rôh vâ pơkâ mơdêk tê mơdró, cho tíu ki tơ’lêi hlâu, vâ mâu khu tê mơdró kơchâi, reăng ƀă mâu tơmeăm ki xiâm ki rơdêi dêi pơlê kong kơdrâm trâm tơpui tơno, tăng khu tơrŭm ƀă kĭ tơkêa dêi tơdroăng tê mơdró. Rôh po kơchơ tê kơchâi, reăng to troh hâi lơ 15/12 la ngiâ.