VOV4.Xơ Đăng - Drêng troh leh tơbâ 75 hơnăm Hâi mâu lêng rong râ hlâ hía lơ 27/7, Khu kăn  Đảng xiâm lêng, Khu xiâm pơkuâ ngăn lêng xua Đăi tươ̆ng Phan Văn Giang, Ngế cheăng tung tíu xiâm kal kí, Kăn phŏ hnê ngăn Đảng lêng xiâm, Ngế xiâm pơkuâ ngăn lêng pơkuâ djâ khu kăn lăm pôu, hbru tơmeăm dêi Tíu xiâm tơnêi têa khu ngăn mâu lêng hơnăm hiăng krâ Việt Nam.

Teăng mâ khu Đảng lêng xiâm, Ngế xiâm pơkuâ ngăn lêng, Đăi tuơ̆ng Phan Văn Giang tối mơnê hnoăng mâu ngế ki hiăng hlâ pleăng tơná, veăng ‘no hnoăng kân dêi rơxông mâu lêng ƀă tơdroăng tơplâ pro tơleăng lĕm hdroâng mơngế, tơleăng lĕm tơnêi têa, lâp tơnêi têa tơrŭm môi tuăn mơjiâng ƀă kring vế tơnêi têa Việt Nam xah hô̆i chuh ngiah.

Đăi tươ̆ng Phan văn Giang púi vâ tung la ngiâ, Khu ngăn mâu lêng hơnăm hiăng krâ Việt Nam ƀă Khu xiâm pơkuâ ngăn lêng pơtối rak vế tơrŭm môi tuăn, hbrâ. dêi mâu lêng hơnăm hiăng krâ Việt Nam pơtối tơmâng, ‘no hên hnoăng ki kơnía ăm tơdroăng mơnhông mơdêk dêi Khu lêng ƀă tơnêi têa.

Gương tơplôu ƀă tơbleăng