Kơxo lơ 13/6, Tíu xiâm ngăn sinh viên Việt Nam pêi cheăng ƀă Khu ngăn Sinh viên Việt Nam kong pơlê Dak Lak, trâm mâ ƀă diâp liăn hriâm rơkê ăm 20 ngế sinh viên hdroâng kuăn ngo ki kơhnâ rơkê tung kong pơlê. Tiô khu ngăn Sinh viên Việt Nam kong pơlê Dak Lak, lâp kong pơlê nôkố ai lối 12.500 ngế sinh viên, tung mê ai 3.800 ngế sinh viên hdroâng kuăn ngo dế hriâm a 12 to hngêi trung dăi hok, kao đăng a kong pơlê.

Dế nôkố, Khu ngăn sinh viên mâu hngêi trung tung kong pơlê Dak Lak dế pêi pro mơgêi hnoăng cheăng hô̆i ƀă tơdroăng tơ’noăng sinh viên hơnăm hriâm 2022 – 2023, tơbleăng mâu tơdroăng cheăng dêi mâu vâi droh rơtăm veăng pleăng dêi hnoăng a rơnó pơtê hriâm, hbrâ rơnáu ăm Rôh tơ’noăng Olympic Mác – Lênin “On bâ séa troăng” ƀă Rôh tơ’noăng râ kong pơlê Rôh tơ’noăng “Olympic nâl Ănglê hok tro, sinh viên” rôh má 3, xuân môi tiah tơdroăng ki po  “Hơdruê xoăng ‘na inâi têa kơxĭ” hiăng vâ châ po.

Drêng kố, Tíu xiâm ngăn sinh viên Việt Nam hiăng diâp 20 hnoăng liăn rơkê, rêm hnoăng kơnâ 2 rơtuh liăn ăm mâu sinh viên hdroâng kuăn ngo ki kơhnâ rơkê tung hriâm tâp ƀă veăng tung mâu tơdroăng cheăng đoân, hô̆i.