VOV4.Xơ Đăng - Kơxê lơ 5/10, Khu pơkuâ droh rơtăm Việt Nam kong pơlê Dak Lak tơkŭm po pơxiâm po roh sơ khảo roh rơ’noăng pơxiâm tăng cheăng pêi tê mơdró kong pơlê Dak Lak 2022. Klêi kơ’nâi lối 2 khế mơhnhôk pêi pro, roh tơ’noăng pơxiâm tăng cheăng pêi tê mơdró kong pơlê Dak Lak hơnăm kố hiăng châ tơdah 100 tơdroăng tơkêa bro, tơdroăng tơkêa bro tơ’noăng dêi mâu hok tro, khu hok tro tung kong pơlê ƀă kong pơlê ki ê veăng.

Mâu tơdroăng tơkêa bro ối tung hên kơvâ cheăng, kơvâ môi tiah: pêt mơjiâng tơmeăm tê mơdró tơmeăm pêi lo ing chiâk deăng, păn mơnăn mơnôa, tê mơdró môi tơdroăng. Ing roh ki rah xo mơngế châ kâ, khu tơkŭm po hiăng rah xo 80 tơdroăng tơkêa bro veăng pơchuât tơbleăng a roh sơ khảo.

Ngế tơ’noăng pơchuât tơbleăng tơdroăng tơkêa bro pơxiâm tăng cheăng pêi ƀă mâu tơmeăm handmade

Ngoh Y Lê Pas Tơr, Kăn phŏ hnê mơhno má môi Đoân droh rơtăm kong pơlê, Kăn hnê ngăn Khu droh rơtăm Việt Nam kong pơlê Dak Lak tối ăm ‘nâi, klêi 3 roh tơkŭm po, roh tơ’noăng ăm hlo, tơdroăng ki mơ’no liăn, ivá dêi mâu ngế tơ’noăng ƀă mâu tơdroăng tơkêa bro hiăng châ pêi pro mâu tơmeăm ki nhên.

VOV Tây Nguyên/Tơplôu: A Sa Ly