Kơxo lơ 18/5, Khu pơtâng tối tơdroăng kal Khu pơkuâ ngăn Đảng Dak Lak tơkŭm po diâp pri chêh, mơđah tơbleăng mâu hlá mơéa văn hok, ngê̆ thuât, hlá tơbeăng ‘na inâi ‘Hriâm tâp ƀă pêi pro tiô hiâm mơno, troăng tơdjâ, túa rêh ối Hồ Chí Minh”, rôh má I (2021 – 2023).

Ai 28 to ƀai chêh ki rơkê má môi châ kâ pri tung rôh kố. Klêi kơ’nâi 2 hơnăm tơbleăng, Pri tơ’noăng chêh, mơđah tơbleăng ƀai chêh văn hok, ngê̆ thuât, hlá tơbeăng ‘na inâi Hriâm tâp ƀă pêi pro tiô hiâm mơno, troăng tơdjâ, túa rêh ối Hồ Chí Minh a kong pơlê Dak Lak rôh má 1 hiăng châ xo vâ chê 100 ƀai chêh châ mot tung rôh tơ’noăng má mơ’nui.

Mâu ƀai chêh châ klâ bro 3 kơvâ cho văn hok (cho truyện ngắn, thơ, bút ký, phóng sự), ngê̆ thuât (cho sân khấu – um xi-nê, âm nhạc, kơchuâ um) ƀă hlá tơbeăng (hlá tơbeăng in, hlá tơbeăng um, hlá tơbeăng mơ’no tung tơvi, hlá tơbeăng um).

Tiô mơnhên tối dêi khu tơkŭm po, ki hên mâu ƀai tơ’noăng kố pơrá rơkê, hên túa kơvâ cheăng, cho tơdroăng ki vâ hnê hriâm. Khu tơrŭm po hiăng rah xo diâp ăm 28 to ƀai tơ’noăng ki rơkê má môi, mê cho 1 to pri A, 5 pri B, 10 pri C ƀă 12 pri mơhnhôk.