VOV4.Xơ Đăng - Kơxê măng lơ 7/9, cho hâi lơ 12/8 âm lĭt, mâu tíu cheăng tŏng kum hiăng tơrŭm tơkŭm po ‘’Kơmăng leh xah hêi khế mơniâ’’,  diâp kơxuô tơmeăm trung thu ăm vâi hdrêng, hlối tơkŭm khăm pơlât, xing xoăng pơkeăng tê kơtê ăm kuăn pơlê kơtiê a ƀuôn Ea Na, cheăm Ea Na, tơring Krông Ana, kong pơlê Dak Lak.

Pơtối mê, rơtế ƀă châ ngăn mâu tơdroăng hơdruê xuâng ‘’Kơmăng hâi leh khế mơniâ’’ môi tiah: kơhnhon xuâng prếo, hơdruê xuâng, mâu tơdroăng xah hêi tiô khôi hmâ vâi krâ nah, kâ kơƀăn trung thu, 750 ngế vâi hdrêng a ƀuôn Ea Na ối châ tơdah mâu kơxuô tơmeăm trung thu. Mâu tíu cheăng xuân diâp 57 hnoăng liăn hriâm rơkê ăm mâu vâi o kơhnâ hriâm. Tâi tâng kơxô̆ liăn rôe kơxuô tơmeăm cho 80 rơtuh liăn, xua Kŏng ti tơlo liăn pro phon Bình Điền ƀă Hngêi pơkeăng kân Thiện Hạnh tŏng kum.

Vâ chê 750 ngế vâi hdrêng ƀuôn Ea Na, cheăm Ea Na, tơring Krông Ana châ tơdah kơxuô kơƀăn trung thu

Tơdrêng amê, mâu ƀok thái pơkeăng dêi hngêi pơkeăng kân Thiện Hạnh xuân tơkŭm po khăm pơlât, xing xoăng pơkeăng tê kơtê ăm 500 ngế kuăn pơlê ƀuôn Ea Na, ƀă kơxô̆ liăn 50 rơtuh liăn.

A Sa Ly tơplôu ƀă tơbleăng