Khu ngăn nâp hnoăng liăn mơhá kong pơlê Dak Lak ăm ‘nâi, riân troh tâi khế 10/2022 tâi tâng kơxô̆ liăn ăm tơnêi têa xua Kơvâ ngăn nâp hnoăng liăn mơhá kong pơlê Dak Lak châ vâ chê 5 rơpâu rơtal liăn, tơkâ luâ tơdroăng ki pơkâ tung plâ hơnăm, tâk lối 20% tâng vâ pơchông ƀă khế kố hơnăm nah.

Mâu kơxô̆ liăn nâp ai kơlo mơdêk hên tâng pơchông ƀă khế kố hơnăm nah: Xo ing mâu khu mơdró kâ ki ôh tá ối tung khu mơdró, nâp hnoăng liăn mơhá krê, kơxô̆ liăn mơdrêó hdrối, liăn mung tơnêi ƀă xo sap ing kơxô̆ kiê̆n thiê̆t. Tơdroăng ki nâp liăn a Dak Lak hơnăm kố xuân hlo tơdroăng ki mơnhông chía tơdâng a mâu cheăm tơring, ƀă 10/13 tíu pêi cheăng ối tung Khu ngăn nâp hnoăng liăn mơhá hiăng tơkâ luâ tơdroăng pơkâ plâ hơnăm 2022.

Sap ing nôkố troh tâi hơnăm Khu ngăn nâp hnoăng liăn mơhá Dak Lak pơtối tơkŭm tơbleăng hlo tơƀrê khât mâu tơdroăng rak ngăn ‘na nâp, tơdroăng ki ôh tá nâp hnoăng liăn mơhá, tung mê tơkŭm mơdêk mâu troăng hơlâ rak ngăn tíu nâp, tơdroăng ki ôh tá nâp xo tơvêh liăn chĕn ki ôh tá kâi mơdrếo. Pa kĭng mê ối mơdêk mâu troăng hơlâ tŏng kum ăm ngế ki nâp hnoăng liăn mơhá ing mâu troăng hơlâ hơ’lêh chêh bro hlá mơ-éa.