Hôp tơno tơdroăng ki kal tơkŭm hlê plĕng pêi pro mâu tơdroăng xiâm ki kal tơdjâk troh troăng prôk la ngiâ mơnhông cheăng kâ – rêh ối pơlê pơla dêi kong pơlê, ki má môi cho Tơdroăng pêi cheăng pêi pro Tơdroăng xiâm tơbleăng a Hneăng hôp kân XIV dêi Đảng ƀă pơkâ tơtêk cheăng kâ hneăng hơnăm 2026 – 2030, tơmiât pêi troh hơnăm 2045. Mâu kăn teăng mâ xuân châ tối tơbleăng tơdroăng xiâm ‘na mơnhông cheăng kâ tơnêi têa tiô Tơdroăng tơbleăng xiâm a hneăng hôp kơxô̆ 79 dêi Khu xiâm kal kí, rơtế mâu hnoăng cheăng rơnêu nếo pro mơ-éa rêh ối cheăng kâ ƀă tơnêi têa, mơnhông khôi túa lĕm tro – pơlê pơla.

Xông tơpui mơgêi, pôa Lương Nguyễn Minh Triết, Kăn pơkuâ hnê ngăn Tĭnh ủi kong pơlê Dak Lak pơkâ mâu râ, kơvâ cheăng rĕng pêi pro mâu pơkâ pêi, mơdêk hnoăng cheăng ngế ối a ko, môi tuăn pêi pro mâu hnoăng cheăng tiô hnê mơhno dêi Tơnêi têa ƀă dêi kong pơlê.