Tơbleăng tối mơgêi a rôh hôp, pôa Hồ Quốc Dũng, Phŏ Ngế pro xiâm hnê ngăn tơnêi têa tối nhên kŏng ngĕ troăng pêi cho môi tung mâu tơdroăng ki vâ mơdêk ƀă rak hnoăng pêi ki kal pái xiâm: Khoa hok kơmăi kôm, hơ’lêh nếo hriăn plĕng ki nếo ƀă pơ’lêh kơxô̆.

Vâ mơdêk rĕng pêi pro, Phŏ Ngế pro xiâm hnê ngăn tơnêi têa pơkâ thế tung khế 6 kố thế pê klêi Hlá mơ-éa hnê mơhno pêi pro Luât Kŏng ngê̆ ki dâi lĕm, tung mê, ai tơdroăng kal tơdjâk troăng kŏng ngê̆ troăng hơlâ; hlối tăng ‘nâi plĕng, pơkâ luât ’nâi kơ nó, mơnhên ƀă klĕm tĕm tơmeăm kŏng ngê̆.

Mâu khu xiâm, kơvâ cheăng thế hbrâ xoăng mơngế pêi cheăng, mơngế vâ pêi nôkố mâu tơdroăng châ pơcháu, mơ-eăm ai tơmeăm nhên tung hơnăm 2026.