Hneăng tơ’noăng râ má pái phôh thong 2023 a kong pơlê Dak Lak hiăng po tơniăn, kơtăng ôh tá ai ngế ki lâi lơ kăn ƀô̆ ngăn tơ’noăng ki lâi pro xôi tơdroăng pơkâ. Klêi kơ’nâi mơgêi hneăng tơ’noăng râ má pái phôh thong 2023, kơxê lơ 29/6, Khu ngăn hnê hriâm ƀă hnê mơjiâng tuăn ngoâ rơkê kong pơlê Dak Lak tơkŭm po hôp tơbleăng tơdroăng ‘na hneăng tơ’noăng.

Tiah mê, a kong pơlê ai tâi tâng lối 142 rơpâu ngế hok tro chêh inâi tơ’noăng a 12 môn tơ’noăng, kơxô̆ hok tro tơ’noăng châ 99,58%, ai 598 ngế hok tro lôi tơ’noăng. Tiô jâ Lê Thị Kim Oanh, kăn phŏ pơkuâ Khu ngăn hnê hriâm ƀă hnê mơjiâng tuăn ngoâ rơkê kong pơlê Dak Lak, hneăng tơ’noăng hơnăm kố hiăng po tơniăn, kơtăng drêng ốh tá ai hok tro ƀă kăn ƀô̆ ngăn tơ’noăng ki lâi bro xôi tơdroăng pơkâ.

Hnoăng cheăng tơrŭm pơla mâu khu ki ai tơdjâk troh gá tro khât, malối cho hnoăng cheăng rak gak kring, tơniăn dêi khu kŏng an tung plâ po rôh tơ’noăng.