Hô̆i đong kuăn pơlê kong pơlê Dak Lak hneăng má XI, hneăng hơnăm 2026 – 2031 nếo pơxiâm po roh hôp má môi. Roh hôp po apoăng ăm tơdroăng cheăng dêi Hô̆i đong kuăn pơlê kong pơlê tung hneăng nếo. Roh hôp roh kố, mâu kăn teăng mâ hiăng tơkŭm po mâu inâi: kăn hnê ngăn, mâu phŏ kăn hnê ngăn Hô̆i đong kuăn pơlê kong pơlê, mâu Khu ƀă kăn pơkuâ mâu khu dêi Hô̆i đong kuăn pơlê kong pơlê Dak Lak hneăng má XI, hneăng hơnăm 2026 – 2031.

Jâ Cao Thị Hòa An, pơtối châ rah xo pro Kăn hnê ngăn Hô̆i đong kuăn pơlê kong pơlê Dak Lak hneăng má XI, hneăng hơnăm 2026 – 2031. Pôa Đỗ Thái Phong, pôa Từ Thái Giang ƀă jâ Phúc Bình Niê Kdăm châ rah xo pro Phŏ Kăn hnê ngăn Hô̆i đong kuăn pơlê kong pơlê. Pôa Đỗ Hữu Huy, Ŭy viên dư̆ khuyết Khu xiâm Đảng, Phŏ kăn pơkuâ Tĭnh ủi châ rah xo pro Kăn hnê ngăn Vi ƀan kong pơlê Dak Lak, hneăng hơnăm 2026 – 2031; Mâu phŏ Kăn hnê ngăn Vi ƀan kong pơlê mê cho: pôa Đào Mỹ, pôa Nguyễn Thiên Văn, pôa Trương Công Thái ƀă jâ Hồ Thị Nguyên Thảo.

Pôa Lương Nguyễn Minh Triết, Kăn pơkuâ hnê ngăn Cheăng Đảng kong pơlê pơkâ thế Hô̆i đong kuăn pơlê kong pơlê rĕng tơniăn rah xo khu kăn pêi cheăng, tơnêi pêi cheăng hlâu, xêt khât, châ tơƀrê.