VOV4.Xơ Đăng - Kơmăng lơ 30/8, khu pơkuâ ngăn Đoân Droh rơtăm kong pơlê Dak Lak tơkŭm po leh mit tinh Hâi leh “Á pâ tơnei têa á”  ƀă Khê̆n kơdeăn 69 ngế ki djâ troăng lĕm ahdrối, khu pú hên tung mâu tơdroăng cheăng đoân, hô̆i.  69 khu pú hên ƀă mâu ngế châ khĕn kơdeăn tung 7 tơdroăng cheăng cho: Kăn ƀô̆ Khu ki kơhnâ rơkê; droh rơtăm rêh ối lĕm tro; rơpŏng hngêi hơnăm ối nếo pêi cheăng kơhnâ rơkê; droh rơtăm pơxiâm pêi cheăng; Rơpŏng hngêi hơnăm ối nếo pêi cheăng kơhnâ rơkê; droh rơtăm pơxiâm lăm pêi cheăng; mâu kâu lăk ƀô̆, đô̆i, khu kơhnâ rơkê; droh rơtăm chó chêng tơvê kŏng; droh rơtăm hdroâng kuăn ngo, mâu droh rơtăm tiô khôp kơhnâ rơkê.

Dak Lak khĕn kơdeăn mâu droh rơtăm ki rêh ối lĕm

Mê xuân cho mâu ki djâ troăng lĕm ahdrối ai hên hnoăng cheăng veăng ‘no tung tơdroăng cheăng Đoân ƀă tơdroăng mơhnhôk cheăng dêi mâu droh rơtăm a mâu tơring cheăm bêng, mơhno hnoăng cheăng pêi kơhnâ vâ khât dêi mâu hơnăm ối nếo, djâ troăng ahdrối  tung mâu đoân viên, droh rơtăm.

Rôh kố, Khu droh rơtăm Việt Nam kong pơlê  Dak Lak hiăng diâp 2 hnoăng liăn poxiâm pêi cheăng kơnâ 40 rơtuh liăn ăm 2 ngế droh rơtăm a tơring Lăk ƀă Krông Năng; diâp pri tơ’noăng tơbleăng tơdroăng hơdruê kăch măng, droh rơtăm hơdruê rơngêi ting ting rêi, tôu mâu prôa kuăn ngo ƀă mơgêi Hâi leh “Á pâ tơnêi têa á” kong pơlê Dak Lak hơnăm 2022 ƀă hên tơdroăng pêi pro ki pơxúa khât.

A Sa Ly tơplôu ƀă tơbleăng