Tơdroăng tơkêa bro kô châ pêi pro a 15 cheăm dêi 4 tơring, mê cho MDrak, Ea Kar, Krông Bông ƀă Lăk. Tơdroăng tơkêa bro ai tâi tâng kơlo mơ’no dâng 19,53 rơtuh dollars, tơdâng 468,73 rơtal liăn, xua Kơxô̆ liăn kơdĭng lâp plâi tơnêi ‘na mơnhông pêi chiâk deăng ƀă Kơxô̆ liăn rak kong prâi krúa lĕm tŏng gum.

Pơkâ xiâm dêi tơdroăng tơkêa bro cho tŏng kum khu râ kăn pơkuâ mâu râ pơkâ mơ’no mâu troăng hơlâ ton xŏn râ tơnêi têa ƀă pêi pro tung mâu tơdroăng pro ƀă pêi pro pơkâ kơdroh mơ’no trếo ‘mêi lo pa kong ing tơdroăng hía kong, pro tơ’nhê kong ƀă tơdroăng mơ-eăm pêt mơjiâng kong vâ pro roh tơ’lêi tăng cheăng pêi ƀă mơdêk hlê plĕng pơlê pơla.

Tơdroăng tơkêa bro ai inâi tŭm cho ‘’Kơdroh mơ’no trếo ‘mêi lo pakong a kơpong Tây Nguyên ƀă Duyên hải Nam Trung Bộ Việt Nam vâ kum pêi pro mâu pơkâ Tơdroăng pêi pro tơnêi têa REDD+ a kong pơlê Dak Lak’’, châ pêi pro tung 3 hơnăm (sap hơnăm 2025 troh hơnăm 2028).