VOV4.Xơ Đăng - Tíu xiâm ngăn ‘na tê mơdró cheăng pêi kong pơlê Dak Lak ăm ‘nâi, pơreăng COVID-19 châ séa ngăn pro mơdêk rôh tăng cheăng pêi pro ăm tơdroăng cheăng a kong pơlê. 9 khế hdrối, tíu pêi cheăng hiăng tơbleăng cheăng pêi ăm vâ chê 6.500 hdroh ngế pêi cheăng. Kơxô̆ mơngế ai cheăng pêi klêi tơbleăng ai 2.166 ngế, châ 90%, ai 1.282 ngế pêi cheăng a kong pơlê, 799 ngế pêi cheăng pa kong kong pơlê ƀă 85 ngế lăm cheăng a kong têa ê.

Dak Lak: Lối 2 rơpâu ngế tăng cheăng pêi klêi kơ’nâi COVID-19

Tio pôa Nguyễn Văn Cường, Ngế pro pơkuâ Tíu xiâm ngăn ‘na tăng cheăng pêi  kong pơlê Dak Lak, tung pái khế sap khế môi chât troh môi chât péa hơnăm 2022, Tíu xiâm ngăn ‘na tăng cheăng pêi kô hnê tối ‘na cheăng pêi ăm lối 2.600 hdroh ngế; tơbleăng cheăng pêi ăm dâng 1.200 ngế. Vâ ai tiô pơkâ mê, tơdrêng ƀă tơdroăng mơdêk hnê tối ƀă tơdroăng púi vâ pêi ing Website ƀă măng xah hô̆i, Tíu xiâm ngăn ‘na tăng cheăng pêi xuân mơdêk hên tơdroăng hnê tăng cheăng pêi tơdrêng a pơlê cheăm.

VOV Tây Nguyên/Tơplôu: Gương