VOV4.Xơ Đăng - Mâu tíu pêi cheăng ngăn ‘na on tơhrik Dak Lak  dế mơdêk ‘mâi rơnêu pro, mơ-eăm pê klêi tung khế 8 kố khŏm klêi ‘mâi rơnêu lối 70km troăng kơxái phôn ki  kân, hbâ a trăng on tơhrik . Tơdroăng pơkâ pêi sap nôkố troh hơnăm 2025, khu ngăn on tơhrik Dak Lak, kô pêi pro ‘mâi rơnêu vâ chê 310 km troăng kơxái phôn ki kân toi tơdjuôm pơkrâ a mâu trăng on tơhrik a mâu kơphô̆ tung kong pơlê.

Mâu kŏng nhân dế ‘mâi rơnêu troăng kơxái phôn ki kân a tơring Ea H’leo

Ing mê, kơvâ ngăn on tơhrik kô tah kơxái ki hiăng kơtê ôh tá chiâng xúa xếo ki ối ƀá rơtâ tá trăng on tơhrik, kú pơlĕm mâu túa kơxái ki hbrâ rơnáu, toi kơxái ăm gá rơtăng ƀă mâu kơxái ki hiăng tôi hiăng vâ klêh vâ tơniăn. Pakĭng mê, Khu ngăn on tơhrik Dak Lak xuân pơkâ thế mâu tíu pêi cheăng ngăn ‘na hyôh phôn tơvêh kơxái ki ton ôh tá chiâng xúa xếo; pơ’lêh ƀă tah mâu trăng ki ôh tá kal ki ngăn ôh tá lĕm mơnâ mâ. tung kơphô̆ ƀă hên tơdroăng ki ê.

Gương tơplôu ƀă tơbleăng