Hô̆i đong kong pơlê Dak Lak hiăng séa ngăn, tơbleăng 11 tơdroăng pơkâ ‘na luât, 19 tơdroăng pơkâ ki krê ƀă tơdroăng pơkâ hên tơdroăng kal ki ê. Kố cho xiâm, troăng hơlâ, luât pơkâ, troăng hơlâ mơnhông cheăng kâ rêh ối, tơniăn rêh ối pơlê pơla. Hơnăm 2025,  Dak Lak pơkâ mơdêk cheăng kâ châ 7% kơxô̆ liăn pêi lo riên rêm ko mơngế châ 81 rơtuh liăn, xo liăn ngân tơnêi têa mơ-eăm châ 9.000 rơtal liăn, kơxô̆ rơpŏng kơtiê kơdroh sap 3% tơnmgi klêng.

Tơbleăng a rôh hôp mơgêi, jâ Huỳnh Thị Chiến Hoà, Kăn xiâm hnê ngăn Hô̆i đong  Kuăn pơlê  kong pơlê Dak Lak, pơkâ thế mâu khu râ kơvâ cheăng dêi kong pơlê tơkŭm pêi tro hơ’lêh nếo, xing xoăng khu tơrŭm mâu kăn cheăng tung khu xiâm kal kí; mơdêk ki tơbrê vâ châ ƀlêi mâu tơdroăng pơkâ, tơdroăng cheăng pêi hiăng pơcháu.