VOV4.Xơ Đăng - Hâi lơ 12/10, Ƀơrô xing xoăng tơdroăng cheăng mơjiâng thôn pơlê nếo kong pơlê Dak Lak hiăng tơkŭm po hneăng hôp hnê tối mơdêk hlê plĕng tơdroăng kal kí ƀă kuăn pơlê ‘na tơdroăng môi cheăm môi tơmeăm pêi lo. Kơ’nâi 4 hơnăm tơbleăng pêi, troh nôkố, kong pơlê Dak Lak hiăng ai 72 tơmeăm OCOP châ mơnhên ing 3 - 4 hơlŏng.

Klêi pro tơdroăng OCOP, hlo ai hên túa pêi cheăng ki ‘ló tro, túa pêi tơƀrê, hriăn plĕng ki nếo, tơƀrê hôm, veăng mơdêk ki lĕm tơƀrê, pơxúa dêi tơmeăm pêi lo ing chiâk deăng dêi kong pơlê. Laga, tung pơla mâu hâi tơbleăng pêi tơdroăng mê ăm hlo, mâu troăng rơhlâ kơjo kum ƀă tơdroăng pơxá OCOP xuân hâi châ tơmâng khât, ivá rak ngăn, uâ pơliê ƀă tê mơdró tơmeăm pêi lo ối hên xơpá, pơ’lêh hlê plĕng dêi mơngế rôe xúa ƀă tơmeăm pêi lo ƀă inâi OCOP dêi kong pơlê hâi plĕng to lâi.

Dak Lak pơcháu pơkâ mơnhên tơmeăm pêi lo OCOP râ kong pơlê

Pơla hơnăm 2021-2025, kong pơlê Dak Lak pơkâ OCOP cho tơdroăng ki xiâm mơnhông mơdêk cheăng kâ tung kơpong thôn pơlê; cho troăng rơhlâ ƀă tơdroăng cheăng pêi ki kal tung pêi pro Tơdroăng pơkâ dêi tơnêi têa mơjiâng thôn pơlê nếo a Dak Lak.

VOV Tây Nguyên/Tơplôu: Gương