Mâu ngế hriâm châ hnê mơhno tơ’nôm, xúa ƀă pơkuâ ‘noăng chư chêh tung kơmăi ‘măn ‘noăng chư chêh kơvâ cheăng; xúa mâu kŏng ngê̆ kơxô̆ gum tung pơkuâ, hnê mơhno, tơdrêng amê tơpui tơno, tah lôi mâu pá puât ki nếo tung tơdroăng pêi pro a pơlê, cheăm. Tơdroăng pêi cheăng tơkŭm po tung pơla kơvâ hnê hriâm kong pơlê mơdêk rơdêi pêi pro pơhlêh xúa kŏng ngê̆ tiô mâu troăng hơlâ ‘na mơnhông khoa hok, kŏng ngê̆, pơhlêh nếo tơmiât pêi rơkê ƀă châ tơƀrê hluâ pơkâ hnê hriâm.

Tiô Kăn pơkuâ Khu pơkuâ hnê hriâm ƀă Hnê mơjiâng tuăn ngôa rơkê kong pơlê Dak Lak, kơvâ dế chôa ‘lâng kêi đeăng ‘noăng chư chêh, mơdêk pro hô sơ, hok ƀă, rah xo hok tro ƀă mâu tơdroăng pơkuâ; tơdrêng tơrŭm ƀă mâu khu tê mơdró kŏng ngê̆ vâ mơdêk pơhlêh xúa kŏng ngê̆ tâi tâng hneăng hơnăm 2026 – 2030.