Kố cho tơdroăng ki châ hên mâu kăn tơkŭm tơpui tối leăng a rôh hôp khoa hok râ kong pơlê xua Hngêi trung Chính trĭ kong pơlê Dak Lak tơkŭm po a kơxo hâi lơ 27/5. Klêi kơ’nâi ‘mot tơkŭm, tâi tâng kong pơlê chu ối 184 ối 102 to tíu pêi cheăng a cheăm bêng. Maluâ tiah mê, tơdroăng ki chêh pro klêi ƀă mơdrếo mâu hlá mơ-éa ki kuăn pơlê chêh pro tro hâi chôu tơhrâ xuân ối châ 97%, lối 83% hồ sơ châ chêh pro tơleăng klêi ing troăng hyôh internet.

Hên rơkong tơpui tối tiah kố râ cheăm dế ối kal mâu ngế cheăng a mâu kơvâ liăn ngân, tơnêi tơníu, ‘no liăn pêi cheăng kong ngê̆ thong tin. Jâ Nguyễn Thị Thu Nguyệt, Phŏ pơkuâ khu kăn ki lo ing Kuô̆k hô̆i kong pơlê pâ thế rĕng ai troăng hơlâ tŏng gum liăn tơtro vâ râng chêng mâu ngế cheăng rơkê troh pêi cheăng a cheăm bêng.