Ki ó tâ cho Hngêi kơmăi uâ pơliê bro kơphế dêi Grup pêi cheăng Trung Nguyên Legend ƀă tâi tâng kơxô̆ liăn dâng 2.200 rơtal liăn. Tơdroăng tơkêa bro châ mơhno pêi chiâng tôh tơkŭm uâ pơliê kơphế ki hên, xúa kŏng ngê túa lĕm nếo, veăng mơdêk ki pơxúa dêi kloăng kơphế Buôn Ma Thuột ƀă mơdêk cheăng ƀă kơmăi kơmok uâ pơliê trâu.

Xuân tung hâi ki mê, a Khu hngêi kơmăi Hòa Hiệp, 3 toăng hngêi kơmăi pêi pro ƀă tâi tâng kơxô̆ liăn 770 rơtal liăn xuân châ pơxiâm pro, mê cho hngêi kơmăi tâ kơxuô tung tơdrong, hngêi kơmăi pro phôn ƀă kơmăi kơmok, tơmeăm vâ ’mêng rơnêu rơxế kân. Tơdroăng tơbleăng hên tơdroăng tơkêa bro ôh ti xê to pro xiâm vâ mơdêk tâ nếo mê ối mơhno ki tro dêi hyôh kong prâi ‘no liăn cheăng a kong pơlê, veăng mơdêk hơ’lêh cheăng kâ ƀă mơnhông cheăng ƀă kơmăi krá tơniăn.