A rôh hôp, mâu kăn hiăng tối mâu tơdroăng ki kal, tơdroăng ki xiâm dêi Hneăng hôp khu kăn Lâp tơnêi têa rôh má XIV dêi Đảng. Tung mê, tối nhên mâu túa tơmiât pêi, tơdroăng vâ pêi, hnoăng cheăng ƀă troăng hơlâ mơnhông tơnêi têa tung hneăng ki nếo. Rôh hôp xuân tơkŭm hnê tối, pêi pro Pơkâ kơxô̆ 79 ‘na mơnhông cheăng kâ tơnêi têa ƀă Pơkâ kơxô̆ 80 ‘na mơnhông túa lĕm tro Việt Nam tung hneăng nếo.

Mâu tơdroăng ki kal châ tơbleăng tối pro ăm kăn ƀô̆, mố đô̆i khu lêng kring vế kong pơlê hlê nhên tâ hnoăng cheăng dêi cheăng kâ tơnêi têa tung cheăng kâ kơchơ troăng tơmiât troh xah hô̆i chuh ngiah; hlối tối rơdêi ki kal dêi tơdroăng mơjiâng túa lĕm tro Việt Nam rơkê plĕng, tro ƀă túa lĕm tro hdroâng kuăn ngo, pro ivá hiâm mơno krá rơdêi ăm tơdroăng cheăng mơjiâng ƀă rak vế Tơnêi têa.

Rơtế amê, rôh hôp ối tối tơbleăng mâu tơdroăng ki nếo dêi Khu xiâm pơkuâ ngăn lêng tơdjâk troh hnoăng cheăng lêng, mơjiâng khu lêng ƀă hbrâ rơnáu tơplâ.