A kơpong peăng mâ hâi Lu dêi kong pơlê Dak Lak, tơdroăng kố châ tơkŭm po a plông ngiâ Tíu pêi cheăng Túa lĕm tro - Ôm hyô kong pơlê, châ mơjiâng pro tiô pái tơdroăng: Tơdroăng loi hâi leh kân, Dak Lak - Khúc ca tự hào và Khát vọng vươn xa. Ƀă mâu ƀai hơdruê ki ro, tơdroăng kố cho vêh mơhno ki hơniâp ro dêi hâi leh kân dêi tơnêi têa, ô eăng hnoăng cheăng dêi Đảng, Kuô̆k hô̆i ƀă ki pơxúa dêi rôh tâ phĭu.

Túa lĕm tro Tây Nguyên châ hdró nhên ƀă mâu ƀai hơdruê ki ro dêi idrâp chêng koăng, um méa pơlê cheăm, ngo ngối ƀă tơdroăng rơhêng vâ mơnhông dêi kơpong tơnêi.

Rơtế tung pơla kố, a kơpong peăng mâ hâi Lo dêi kong pơlê, môi tơdroăng ngê̆ thuât ki hơniâp ro xuân châ tơkŭm po a Plông kân Phú Yên, bêng Tuy Hòa, pro chiâng tơdroăng hơniâp ro dêi hâi leh kân ăm kuăn pơlê a bêng, tối mơnhên hiâm mơno tơrŭm, tơdjuôm ivá mơjiâng kong pơlê Dak Lak rế hía rế mơnhông.