VOV4.Xơ Đăng - Drêng troh leh tơbâ hâi mơjiâng tơnêi têa lơ 2/9, Khu chêh hlá tơbeăng kong pơlê Dak Lak hiăng tơkŭm pơcháu 2 toăng hngêi tuăn pâ pro ăm mâu rơpŏng kơtiê a tơring M’Drăk. Ing mê, mâu tíu pêi cheăng hiăng pro klêi pơcháu ăm  nâ H’Biêr Hyă, cho ngế hdrốu ối a buôn Êa Lai (cheăm Krông Jing) ƀă diâp ăm hngêi kơ rơpŏng ngoh Lê Đức Tường, rơpŏng kơtiêa thôn 3 (cheăm Ea H’Mlay).

Mâu tíu pơcháu hngêi ối ăm nâ H’Biêr Byă

Rêm toăng hngêi ai tơnêi xúa vâ chê 80m2, kơxô̆ liăn mơjiâng pro 100 rơtuh liăn, tung mê Kŏng ti ngăn on tơhrik Dak Lak kum 50 rơtuh liăn, ki u ối Khu chêh hlá tơbeăng Dak Lak, mâu kăn, khu grup dêi kong pơlê ƀă rơpŏng hngêi veăng tơlo. Kơ’nâi 4 khế mơjiâng pro, mâu hngêi tuăn pâ hiăng pro klêi ƀă pơcháu ăm 2 rơpŏng hngêi pơ’lăng tro hâi tơbâ mơjiâng tơnêi têa lơ 2/9 hơnăm kố. ‘na tung hngêi ối ki nếo, nâ H’Biêr Byă, rơrêk tối:

“Kơnôm ai liăn măt trâ̆n ƀă mâu tíu pêi cheăng ai tuăn hơ-ui veăng kum mê rơpŏng hngêi a hiăng ai hngêi lĕm. Ing nôkố rơpŏng hngêi kô mơ-eăm pêi cheăng hên tâ nếo vâ ai tơ’nôm kơxô̆ liăn pê lo rêm hâi, ăm tơdroăng reh ối lĕm tâ nếo”

Gương tơplôu ƀă tơbleăng