Tơdroăng tơkêa bro pơkâ troăng mơnhông ôm hyô tiô troăng mơdêk tơƀrê ki dâi lĕm, ki kơnâ ƀă tơdroăng châ hlo, pơhlêh sap ing tơmiât "riân kơxô̆ tơmối" troh mơdêk ki kơnâ a rêm kơxô̆ tơmối. Troh hơnăm 2030, Dak Lak mơ-eăm tơdah lối 15 rơtuh ngế tơmối, kơxô̆ liăn pêi lo ing ôm hyô veăng kum tơdrêng dâng 12,5% GRDP; mơjiâng mâu troăng tơdjêp kơpong kong ngo ƀă têa kơxĭ ƀă mâu tíu ki lĕm, khôi túa ki lĕm má môi.

Troăng tơmiât pêi troh hơnăm 2050, kong pơlê tơmiât troh chiâng tíu troh ôm hyô kong kế nhâ loăng, túa lĕm tro ki má môi, tơdrêng amê mơjiâng tíu troh kơphế dêi châu Á. Pôa Đỗ Hữu Huy, Kăn hnê ngăn Vi ƀan kong pơlê pơkâ thế mơnhên nhên tơmeăm ôm hyô ki xiâm, tung mê ai kơphế, rui, túa lĕm tro chêng koăng, túa lĕm tro têa kơxĭ ƀă kong kế nhâ loăng; rơtế ƀă mơnhông ôm hyô ngiât lĕm.