VOV4.Xơ Đăng - Kơxê lơ 29/7, Hô̆i đong kong pơlê Dak Lak tơkŭm po Hneăng hôp tơdroăng roh má pŭn vâ séa ngăn, môi tuăn pơ’lêh Pơkâ ‘na troăng hơlâ mơ’no liăn cheăng tơdroăng tơkêa bro Rơnêu, pro ăm krá lĕm mâu long têa kơdoăng têa. Pơkâ 11/2022 dêi Hô̆i đong kong pơlê Dak Lak (châ tơbleăng ăm pêi pro khế 6/2022), ai 8 tơdroăng tơkêa bro, ƀă tâi tâng kơxô̆ liăn mơ’no 134 rơtal liăn ing liăn ngân tơnêi têa.

Tung dế khế 7 kố nah, Khu xiâm Pơkâ túa cheăng Mơ’no liăn cheăng ai mơ-éa tối tơdroăng kĭ ăm pêi pro 8 tơdroăng tơkêa bro a Pơkâ 11 dêi kong pơlê Dak Lak cho tá hâi tơtro ƀă inâi tơmeăm pro ƀă kơlo liăn ăm mâu hnoăng cheăng, tơdroăng tơkêa bro ối tung tơdroăng pro tơniăn mơnhông cheăng kâ – rêh ối pơlê pơla, kal ai tơdroăng pơhlêh ăm tơtro.

Xua mê, a hneăng hôp ‘na tơdroăng kố, Hô̆i đong kong pơlê Dak Lak hiăng pơ’lêh tâi tâng kơlo liăn mơ’no 8 tơdroăng tơkêa bro cho 134 rơtal liăn, tung mê 123 rơtal liăn ing liăn ngân tơnêi têa ƀă lối 11 rơtal liăn ing liăn ngân kong pơlê.

A Sa Ly tơplôu ƀă tơbleăng