VOV4.Xơ Đăng - Kơxo hâi lơ 18/10, a pơlê kong kơdrâm Ƀuôn Ma Thuột, Vi ƀan kong pơlê Dak Lak tơkŭm po pơxiâm po Hâi leh pơxiâm tăng cheăng pêi pơ’lêh tuăn tơmiât pêi rơkê râ kong pơlê hơnăm 2022 ƀă hên tơdroăng pêi vâ thăm pêi pro tơdroăng pơxiâm tăng cheăng pêi pơ’lêh nếo tung tơmiât pêi rơkê a kong pơlê mơnhông mơdêk.

Hâi leh pơxiâm tăng cheăng pêi rơkê kong pơlê Dak Lak hơnăm 2022

Pôa Nguyễn Tuân Hà, Kăn phŏ hnê ngăn Vi ƀan kong pơlê Dak Lak, kăn pơkuâ hnê mơhno hâi leh tối ăm ‘nâi, kố cho tơdroăng ki kal tiah hmâ rêm hơnăm ăm pơlê pơla pơxiâm tăng cheăng pêi a kong pơlê. Klêi kơ’nâi 3 hơnăm tro tơdjâk xua pơreăng, Hâi leh xah hêi cho tơdroăng vâ thăm mơnhông mơdêk tuăn tơmiât pêi rơkâ ƀă pơxiâm tăng cheăng pêi mơnhông kong pơlê, tơdjêp, mơhnhôk mơngế pêi cheăng vâ mơdêk pơxiâm tăng cheăng pêi pơ’lêh nếo tuăn tơmiât pêi rơkê dêi kong pơlê, chôa ‘lâng pêi pro tơdroăng pói vâ chiâng tíu xiâm ăm ngế krê ƀă khu tê mơdró pơxiâm tăng cheăng pêi a kơpong Tây Nguyên.

VOV Tây Nguyên/Tơplôu: A Sa Ly