VOV4.Xơ Đăng - Pêi pro pơ’lêh xúa kơmăi kơmok tung tê mơdró, mơdêk tơdroăng tơdah kuăn pơlê xúa on tơhrik, sap khế 7/2022, Kŏng ti On tơhrik Dak Lak dế pêi pro pơ’lêh tơkêa rôe tê on tơhrik xúa tung rơpŏng hngêi (tơkêa mơ-éa) pơ’lêh troăng tơkêa ƀă điê̆n tưh. Pơtối mê, kuăn pơlê ôh tá tơkôm vâ vêh kĭ tơkêa ƀă mơ-éa, mê bu kal nhâp mah mơnhên OTP drêng châ tơdah chư chêh pơtroh dêi kơvâ on tơhrik ing kơxô̆ phôn hiăng kĭ.

Dak Lak thăm pêi pro rơdêi tơdroăng tơkêa rôe tê on tơhrik

Tơdroăng pêi pro, mah kuăn pơlê châ rak xua mê ôh tá tơdjâk troh tơdroăng chêl kơxô̆ liăn on tơhrik. Ƀă tơkâ điê̆n tưh, hmâ ối alâi, bu kal ai kơmăi tĭnh lơ phôn chiâng po Internet mê kuăn pơlê kô chiâng mot tung mâu phôn mê rak ngăn kuăn pơlê, ngăn tơdroăng tơkêa, pơkâ pơ’lêh tơdroăng tâng kal, pêi pro mâu tơdroăng mơdró dêi kơvâ on tơhrik.

Nôkố Kŏng ti On tơhrik Dak Lak ai lối 506.000 kuăn pơlê xúa on tơhrik tung rêh ối rơpŏng hngêi. Tiô tối hdrối troh tâi khế 6 hơnăm kơ’nâi, kŏng ti kô pêi kêi đeăng tơdroăng pơ’lêh tâi tâng tơkêa dêi kuăn pơlê tiô troăng tơkêa hơp đong điê̆n tưh.

A Sa Ly tơplôu ƀă tơbleăng