Sap ing hơnăm 2019 troh nôkố, kong pơlê Dak Lak hiăng tơkŭm po kĭ tơkêa tơdjêp, tơrŭm ôm hyô ƀă hên kong pơlê, pơlê kong kơdrâm tung lâp tơnêi têa, tơkŭm tung 4 kơvâ: mơhnhôk mơ’no liăn cheăng, tơbleăng ôm hyô; tơpui tơno tơdroăng kal ‘na tơdroăng mơnhông ôm hyô, pơkâ pêi ƀă kơbông krếo mơ’no liăn cheăng; mơjiâng tơmeăm ôm hyô hnê tơ’nôm, hnê mơjiâng mâu ngế pêi cheăng ôm hyô.

Tơrŭm ƀă mâu tơring pêi pro mâu kơchơ mơđah tơbleăng tơmeăm ôm hyô lâp plâi tơnêi rêm hơnăm; tối ăm dêi pó tơdroăng kal, tơdjêp trang thông tin điê̆n tưh ôm hyô, mâu tơdroăng măng pơlê pơla; rêm hneăng tơpui tơno ‘na tơdroăng pêi pro mâu tơdroăng xiâm tơrŭm cheăng hiăng kĭ; tơrŭm, mơ’no liăn mơjiâng ƀă djâ tung po mâu hâi lăm ôm hyô... Kơnôm mê, tung 5 hơnăm hiăng hluâ kong pơlê hiăng tơdah lối 5,6 rơtuh roh tơmối, pêi lo liăn châ vâ chê 4.300 rơtal liăn.

A hneăng hôp, kăn teăng mâ hiăng tơpui tơno, tối dêi pó tơdroăng ki ai khât nôkố pêi pro tơdjêp kơpong, tơrŭm cheăng pơla 2 kong pơlê, 3 kong pơlê, tối mâu tơdroăng ki ối pá puât, tơvâ tơvân, ing mê pâ thế mâu troăng vâ mơdêk châ tơƀrê tơdroăng châ tơƀrê tơdjêp, tơrŭm cheăng.